ഭൂമി നൽകാമെന്ന് ജില്ലാ കലക്ടറുടെ ഉറപ്പ്; 314 ദിവസം നീണ്ട ബിന്ദു വൈലാശ്ശേരിയുടെ നിരാഹാര സമരം അവസാനിച്ചു
നിലമ്പൂർ: ബിന്ദു വൈലാശേരിയുടെ നേതൃത്വത്തില്‍ 314 ദിവസമായി നടത്തിയ ആദിവാസി ഭൂസമരം അവസാനിപ്പിച്ചു. സമരസമിതി നേതാക്കള്‍ ആവശ്യപ്പെട്ട പ്രകാരം ആദിവാസികള്‍ക്ക് 50 സെന്റ് ഭൂമി നല്‍കാമെന്ന് മലപ്പുറം ജില്ലാ കലക്ടര്‍ വി ആര്‍ വിനോദ് ഉറപ്പ് കൊടുത്തതോടുകൂടിയാണ് ഭൂ സമരം അവസാനിപ്പിച്ചത്.
സമരസമിതി നേതാവ് ബിന്ദു വൈലാശേരിയുമായി കലക്ടര്‍ സംസാരിച്ചതിനെ തുടര്‍ന്നാണ് ധാരണയായത്. പ്രമുഖ ആക്ടീവിസ്റ്റ് ഗ്രോ വാസു, സമരസമിതി നേതാക്കളായ ഗിരിദാസ്, വിജയന്‍, മജീദ് ചാലിയാര്‍ എന്നിവര്‍ തുടര്‍ ചര്‍ച്ചക്കായി കലക്ടറേറ്റില്‍ എത്തി അന്തിമ രൂപരേഖയുണ്ടാക്കി. ഇവര്‍ക്ക് കലക്ടര്‍ ധാരണാ പത്രം കൈമാറി. ഇതിനു ശേഷമാണ് സമരം അവസാനിപ്പിക്കുന്നതായി പ്രഖ്യാപിച്ചത്.
ഗ്രോ വാസു കൈമാറിയ കരിക്കിൻ വെള്ളം കുടിച്ചാണ് ബിന്ദു നിരാഹാരം അവസാനിപ്പിച്ചത്. കഴിഞ്ഞ വർഷം മെയ് മാസത്തിലാണ് 150ഓളം ആദിവാസി കുടുംബങ്ങൾ ഐ ടി ഡി പി ഓഫിസിന് മുന്നിൽ ഭൂമി ആവശ്യപ്പെട്ട് സമരം ആരംഭിച്ചത്. ഇതോടൊപ്പം ബിന്ദു തന്റെ നിരാഹാര സമരവും ആരംഭിച്ചു. പലവട്ടം ആരോഗ്യം മോശമായപ്പോഴും സമരം അവസാനിപ്പിക്കാൻ അവർ തയ്യാറായില്ല. സർക്കാരിന്റെ ശ്രദ്ധയിൽ പലവട്ടം വിഷയം അവതരിപ്പിച്ചെങ്കിലും സമരക്കാരുടെ ആവശ്യങ്ങൾ അംഗീകരിച്ചിരുന്നില്ല. ഒടുവിൽ കലക്ടറുമായി നടത്തിയ ചർച്ചയിൽ ഒരേക്കറിന് പകരം 50 സെന്റ് ഭൂമി ഓരോ ആദിവാസി കുടുംബത്തിനുമെന്ന ധാരണയിൽ സമരം അവസാനിപ്പിക്കുകയായിരുന്നു.
ചമ്രവട്ടം പാലത്തിനടിയിൽ സുഹൃത്തുക്കള്‍ക്കൊപ്പം കക്ക വാരാനിറങ്ങിയ യുവാവ് മുങ്ങി മരിച്ചു
RECENT NEWS
പെരുന്നാൾ ദിനത്തിൽ പരീക്ഷ ന‌‌ടത്താനുള്ള തീരുമാനത്തിൽ നിന്ന് കാലിക്കറ്റ് സർവകലാശാല പിൻമാറി
തേഞ്ഞിപ്പാലം: ഈദുൽ ഫിത്വർ ദിനങ്ങളിൽ പരീക്ഷ ന‌‌ടത്താനുള്ള നീക്കത്തിൽനിന്ന് കാലിക്കറ്റ് സർവ്വകലാശാല പരീക്ഷാ ഭവൻ പിന്മാറി. ശക്തമായ പ്രതിഷേധത്തെ തുടർന്നാണ് തീരുമാനം. കഴിഞ്ഞ നാല് വർഷമായി പെരുന്നാൾ ദിനങ്ങളിൽ പരീക്ഷ നടത്തുന്നത് പതിവായതോടെ എം.എസ്.എഫും [...]
