കിടിലൻ വൈബ് ഒരുക്കി ആൽമരം മ്യൂസിക് ബാൻഡ് പൊന്നാനിയിൽ

പൊന്നാനി: ‘എന്റെ കേരളം’ പ്രദർശന മേളയിലെ ആദ്യ ദിവസത്തെ അവസാന സാംസ്കാരിക പരിപാടിയായ ആൽമരം മ്യൂസിക് ബാൻഡിന്റെ സംഗീത പരിപാടി ആസ്വദിക്കാൻ എത്തിയവർ നൊസ്റ്റാൾജിയയുടേയും അത്ഭുതത്തിന്റെയും വിവിധതലങ്ങളിലേക്ക് സ്വയം ആഴ്ന്നിറങ്ങുന്ന കാഴ്ചയാണ് കാണാൻ കഴിഞ്ഞത്. ഒരു സംഘം ആളുകൾ ഒന്നോ രണ്ടോ സംഗീത അകമ്പടിയോടെ ഇഷ്ടമുള്ള പാട്ടുകൾ പാടിയപ്പോൾ ഒപ്പം പാടാനും താളം പിടിക്കാനും ചുവടുകൾ വെക്കാനും ആസ്വാദകർ മടിച്ചില്ല. ചടുലതാളങ്ങളും ശബ്ദഘോഷങ്ങളും നിറഞ്ഞ ബാൻഡുകളുടെ ലോകത്ത് വ്യത്യസ്തമായ സംഗീതാനുഭവം നൽകി.
മലപ്പുറം ജില്ലയിലെ വാർത്തകൾ വാട്സ്ആപ്പിൽ ലഭിക്കുവാൻ ക്ലിക്ക് ചെയ്ത് ജോയിൻ ചെയ്യുക
ഹൃദയസ്പർശിയായ സംഗീതമാണ് ആൽമരത്തിന്റെ മുഖമുദ്ര. സംഗീത പ്രേമികൾ ഹൃദയത്തോടു ചേർത്ത മധുരഗാനങ്ങളെ അവയുടെ തനിമയും മാധുര്യവും നഷ്ടപ്പെടാതെ, ആസ്വാദകർക്കു മുന്നിൽ അവതരിപ്പിക്കുകയായായിരുന്നു പാലക്കാട് ചെമ്പൈ മ്യൂസിക് കോളേജിലെ പൂർവ വിദ്യാർത്ഥികളായ പതിനൊന്നോളം കലാകാരന്മാർ അടങ്ങുന്ന ഈ സംഗീത കൂട്ടായ്മ. ഓരോ വിഭാഗത്തിലും കഴിവ് തെളിയിച്ച അജയ്, രോഹിൻ, അക്ഷയ്, പ്രണവ്, പ്രത്യുഷ്, സാരംഗ്, വൈഷ്ണവ്, അൻഷാദ്, ശങ്കർ, ശ്രീഹരി, ലിജു എന്നിവരാണ് ആൽമരത്തിന്റെ നായകന്മാർ. ലയസാന്ദ്രമായ വരികൾ കോർത്തും മൃദുല മോഹന രാഗങ്ങൾ അടർത്തിയും ആൽമരം മ്യൂസിക് ബാൻഡ് എന്റെ കേരളത്തിന്റെ ഹൃദയം കവർന്നു.
RECENT NEWS

നിലമ്പൂരിൽ കൊട്ടിക്കലാശം; പ്രതീക്ഷയോടെ മുന്നണികൾ
പ്രധാനപ്പെട്ട മുന്നണികളെല്ലാം ആവേശമേറിയ കൊട്ടിക്കലാശത്തിൽ സജ്ജമായപ്പോൾ നിലമ്പൂർ മുൻ എംഎൽഎയും സ്വതന്ത്ര സ്ഥാനാർത്ഥിയുമായ പി വി അൻവർ വീടുകള് കയറി പ്രചരണം നടത്തി