January 21, 2022

മലപ്പുറം കൊണ്ടോട്ടിയില്‍ ഓടിക്കൊണ്ടിരുന്ന ബസ്സിന് തീ പിടിച്ചു

മലപ്പുറം: കൊണ്ടോട്ടിയില്‍ ഓടിക്കൊണ്ടിരുന്ന ബസ്സിന് തീ പിടിച്ചു. കൊട്ടപ്പുറം നീറ്റാണ്ണിമ്മലിലാണ് സംഭവം. ഫറോക്കില്‍ നിന്നും കൊണ്ടോട്ടിയിലേക്ക് വരുകയായിരുന്ന തയ്യില്‍ ബസ്സിനാണ് തീ പിടിച്ചത്. ബസ്സിന്റെ മുന്‍ ഭാഗത്ത് നിന്നും പുക ഉയരുന്നത് കണ്ടു ഡ്രൈവര്‍ ബസ്സ് സൈഡിലേക്ക് ഒതുക്കി നിര്‍ത്തി യാത്രക്കാരെ പെട്ടെന്ന് ഇറക്കുകയായിരുന്നു. മലപ്പുറത്ത് നിന്നും ഫയര്‍ ഫോഴ്സ് എത്തിയപ്പോഴേക്കും നാട്ടുകാരും തൊട്ടടുത്ത കടയില്‍ ഉള്ളവരും ബസ്സ് ജീവനക്കാരും മറ്റു വാഹനങ്ങളിലെ യാത്രക്കാരും കൂടി ബക്കറ്റുകളിലും മറ്റും വെള്ളം എത്തിച്ച് തീ അണച്ചതിനാല്‍ വന്‍ ദുരന്തമാണ് ഒഴിവായത്.

 

Sharing is caring!