മലപ്പുറം സൗഹൃദ വേദി ജിദ്ദ ഇഫ്താര്‍ സംഗമം നടത്തി
ജിദ്ദ: ജാതി മത രാഷ്ട്രീയ വ്യത്യാസങ്ങള്‍ക്കതീതമായി മലപ്പുറം നിവാസികളുടെ കൂട്ടായ്മയായ മലപ്പുറം സൗഹൃദ വേദി ജിദ്ദയില്‍ സംഘടിപ്പിച്ച ഇഫ്താര്‍ സംഗമം തലാല്‍ ഇന്റര്‍നാഷണല്‍ സ്‌കൂള്‍ പ്രിന്‍സിപ്പല്‍ ഷാനവാസ് തലാപ്പില്‍ ഉത്ഘാടനം ചെയ്തു.
സാമുദായിക ധ്രുവീകരണം ആളുകളെ ചിന്നഭിന്നമാക്കിക്കൊണ്ടിരിക്കുന്ന വര്‍ത്തമാന കാല സാമൂഹ്യ സാഹചര്യത്തില്‍ ഇത്തരം കൂട്ടായ്മകള്‍ക്ക് നിസ്തൂലമായ പങ്കാണ് വഹിക്കാനുണ്ടെന്നും മലപ്പുറം സൗഹൃദ വേദി അതിനൊരു മാതൃകയാകട്ടെ എന്നും ഉത്ഘാടന പ്രാസംഗികന്‍ സൂചിപ്പിച്ചു. സൗഹൃദ വേദി ചെയര്‍മാന്‍ യു എം ഹുസൈന്‍ അധ്യക്ഷത വഹിച്ച ചടങ്ങില്‍ രാജീവ് പുതിയകുന്നത്ത്, ബഷീര്‍ അഹമ്മദ് മച്ചിങ്ങല്‍, ഷിയാസ് ബാബു മേല്‍മുറി എന്നിവര്‍ ആശംസകള്‍ നേര്‍ന്ന് സംസാരിച്ചു.
സീമാടന്‍ അയ്യൂബ്, നാസര്‍ പെരുമ്പള്ളി, നൗഷാദ് കളപ്പാടന്‍ , ലത്തീഫ് നരിപ്പറ്റ, അഷ്ഫര്‍ നരിപ്പറ്റ , സി പി സൈനുല്‍ ആബിദ്, അസ്‌കര്‍ മേല്‍മുറി, സി എച് മുഹമ്മദ് അലി, ജുനൈദ് പൈത്തിനിപറമ്പ്, കമാല്‍ കളപ്പാടന്‍ , പി കെ മുഹമ്മദ് കുട്ടി എന്നിവര്‍ നേതൃത്വം നല്‍കി. സലീം സൂപ്പര്‍ സ്വാഗതവും , പി കെ വീരാന്‍ ബാവ നന്ദിയും പറഞ്ഞു
RECENT NEWS
അപകടത്തിൽ മരിച്ച ബസ് ജീവനക്കാരന്റെ കുടുംബത്തിനായി സ്വകാര്യ ബസുകൾ സമാഹരിച്ചത് 18 ലക്ഷം രൂപ
പെരിന്തൽമണ്ണ: ജോലിക്കിടെ അപകടത്തിൽ മരിച്ച ബസ് ജീവനക്കാരന്റെ കുടുംബത്തെ സഹായിക്കാൻ സ്വകാര്യ ബസുകൾ കാരുണ്യയാത്ര നടത്തി സമാഹരിച്ചത് 17,98,155 രൂപ. കൊളത്തൂർ ഓണപ്പുട സ്വദേശി മൻസൂറിന്റെ ഭാര്യയും വിദ്യാർഥികളായ 2 കുട്ടികളും ഉൾപ്പെട്ട നിർധന കുടുംബത്തെ [...]
