ആറും പത്തും വയസ്സുള്ള പെണ്‍കുട്ടികളെ പീഡിപ്പിച്ച അയല്‍വാസിക്ക് 5വര്‍ഷം കഠിന തടവും പിഴയും
മഞ്ചേരി: പുത്തനത്താണി വാടക ക്വാര്‍ട്ടേഴ്‌സില്‍ താമസിക്കുന്ന ആറ്, പത്ത് വയസ്സ് പ്രായമുള്ള ബാലികമാരെ ലൈംഗിക പീഡനത്തിന് വിധേയനാക്കിയ അയല്‍വാസിക്ക് മഞ്ചേരി പോക്‌സോ സ്‌പെഷ്യല്‍ കോടതി അഞ്ചു വര്‍ഷം കഠിന തടവും 5000 രൂപ പിഴയും ശിക്ഷ വിധിച്ചു. കല്‍പ്പകഞ്ചേരി പുത്തനത്താണി പുന്നത്തല സ്വദേശിയെയാണ് ജഡ്ജി കെ പി സുധീര്‍ ശിക്ഷിച്ചത്. 2016 ജനുവരി രണ്ടിനും മാര്‍ച്ച് 31നും ഇടയില്‍ പലതവണ പീഡനത്തിന് വിധേയരാക്കിയെന്നാണ് പരാതി. വളാഞ്ചേരി സി ഐ കെ ജി സുരേഷാണ് പ്രതിയെ അറസ്റ്റ് ചെയ്ത് കുറ്റപത്രം സമര്‍പ്പിച്ചത്.
പീഡനത്തിനിരയായ കുട്ടികള്‍ സര്‍ക്കാരിന്റെ വിക്ടിം കോംപന്‍സേഷന്‍ ഫണ്ടില്‍ നിന്ന് നഷ്ടപരിഹാരത്തുക ലഭ്യമാക്കാന്‍ ആവശ്യമായ നടപടികള്‍ സ്വീകരിക്കണമെന്ന് കോടതി ജില്ലാ ലീഗല്‍ സര്‍വ്വീസസ് അതോറിറ്റിക്ക് നിര്‍ദ്ദേശം നല്‍കി.
RECENT NEWS
ദാറുൽ ഹുദ മഹാരാഷ്ട്ര സെന്റർ ഉദ്ഘാടനം ചെയ്തു
തിരൂരങ്ങാടി: ദാറുൽ ഹുദ മഹാരാഷ്ട്രാ സെന്ററിന്റെ ഉദ്ഘാടനം പാണക്കാട് സാദിഖലി ശിഹാബ് തങ്ങൾ നിർവഹിച്ചു. മഹാരാഷ്ട്രയിലെ പാല്ഗര് ജില്ലയില് ഭീവണ്ടിക്കടുത്ത് കുഡൂസ് വഡോളിയിലാണ് വാഴ്സിറ്റിയുടെ ആറാമത് സെന്റര് പ്രവര്ത്തിക്കുന്നത്. വൈസ് ചാന്സലര് ഡോ. [...]
