ശരീരത്തിലൊളിപ്പിച്ച് കടത്താൻ ശ്രമിച്ച ഒരു കോടി രൂപയോളം വിലവരുന്ന സ്വർണം കരിപ്പൂരിൽ നിന്നും പിടികൂടി
കരിപ്പൂർ: രണ്ടു കിലോയോളം സ്വർണവും എട്ട് ലക്ഷം രൂപയുടെ കറൻസിയും കോഴിക്കോട് അന്താരാഷ്ട്ര വിമാനത്താവളത്തിൽ നിന്നും എയർ കസ്റ്റംസ് ഇന്റലിജൻസ് പിടികൂടി. ദുബായിൽ നിന്നും ദോഹയിൽ നിന്നും കരിപ്പൂർ വഴി ശരീരത്തിൽ ഒളിപ്പിച്ച് കടത്താൻ ശ്രമിച്ച 2 കിലോഗ്രാമോളം സ്വർണമാണ് പിടികൂടിയത്. ഇതിന് ഏകദേശം 1.1 കോടി രൂപ വില വരും.
എയർ ഇന്ത്യ എക്സ്പ്രസ് വിമാനത്തിൽ ദോഹയിൽ നിന്നും എത്തിയ താമരശ്ശേരി സ്വദേശി രായരുകണ്ടി റാഷികിൽ നിന്നും 1066 ഗ്രാം സ്വർണവും, സ്പൈസ് ജെറ്റ് എയർലൈൻസ് വിമാനത്തിൽ ദുബായിൽ നിന്നുമെത്തിയ മലപ്പുറം അരീക്കോട് സ്വദേശി പാമ്പോടൻ മുനീറിൽ നിന്നും 1078 ഗ്രാം തൂക്കം വരുന്ന സ്വർണവുമാണ് നാല് ക്യാപ്സ്യൂളുകളിലായി പിടികൂടിയത്. ഇതിന് പുറമേ സ്പൈസ് ജെറ്റ് വിമാനത്തിൽ വിദേശത്തേക്ക് കടത്താൻ ശ്രമിച്ച 8 ലക്ഷം രൂപയ്ക്ക് തുല്യമായ 2585 ഒമാൻ റിയാലും, 1035 കുവൈത്തി ദിനാറും മതിയായ രേഖകളില്ലാതെ പിടികൂടി.
RECENT NEWS
രാഹുൽ ഗാന്ധിയെ അപമാനിച്ചതിന് അൻവറിനെതിരെ കേസെടുത്തു
മണ്ണാർക്കാട്: രാഹുല് ഗാന്ധിക്ക് എതിരായ അധിക്ഷേപ പരാമര്ശത്തില് പി.വി.അന്വറിനെതിരെ കേസെടുത്തു. രാഹുല് ഗാന്ധിയുടെ ഡിഎന്എ പരിശോധിക്കണമെന്ന പരാമര്ശത്തിന് എതിരെയാണ് നടപടി. മണ്ണാര്കാട് കോടതി നിര്ദേശപ്രകാരം പാലക്കാട് നാട്ടുകല് പൊലീസാണ് [...]