മലപ്പുറം തൃപ്രങ്ങോട് ക്ഷേത്രച്ചിറയില് 56കാരന് മരിച്ച നിലയില്
തിരൂര്: തൃപ്രങ്ങോട് ക്ഷേത്രച്ചിറയില് മധ്യവയസ്കനെ മരിച്ച നിലയില് കണ്ടെത്തി. തൃപ്രങ്ങോട് പരേതനായ അടിയാപ്പറമ്പില് കറപ്പന്റെ മകന് ശിവദാസനെ (ബാബു – 56) ആണ് ചിറയില് മുങ്ങിമരിച്ച നിലയില് കണ്ടെത്തിയത്. ഉച്ചയ്ക്ക് ക്ഷേത്രത്തിലെ ഊട്ടുപുരയില് വന്നവര് ചിറയുടെ കടവില് ചെരിപ്പ്, കണ്ണട, മുണ്ട് എന്നിവ കണ്ടതോടെ അന്വേഷണം നടത്തുകയായിരുന്നു. ഇതിനിടെ ചിലര് സംശയം തോന്നി ശിവദാസന്റെ വീട്ടില് വിളിച്ച് അന്വേഷിച്ചു. രാവിലെ വീട്ടില് നിന്ന് ചിറയിലേക്ക് കുളിക്കാന് പോയിരുന്നതായി അവര് പറഞ്ഞു. എന്നാല് വീട്ടുകാര് പുറത്തായിരുന്നതിനാല് തിരിച്ചു വരാത്ത കാര്യം അറിഞ്ഞിരുന്നില്ല. ഇതോടെ നാട്ടുകാരില് ചിലര് കടവില് ഇറങ്ങി നോക്കിയപ്പോള് മൃതദേഹം ലഭിക്കുകയായിരുന്നു. കുളിക്കാന് ഇറങ്ങിയപ്പോള് വെള്ളത്തില് മുങ്ങുകയായിരുന്നുവെന്നാണു പ്രാഥമിക നിഗമനം. നടപടിക്രമങ്ങള്ക്കായി ജില്ലാ ആശുപത്രിയിലേക്ക് മാറ്റിയിട്ടുണ്ട്. അമ്മുവാണ് മാതാവ്.
RECENT NEWS
കരിപ്പൂരിൽ സ്വർണം തട്ടിയെടുക്കാനെത്തിയ സംഘത്തെ പോലീസ് പിടികൂടി
കരിപ്പൂർ: 56 ലക്ഷം രൂപയുടെ സ്വര്ണ്ണം കടത്തിയ യാത്രക്കാരനും, ഇയാളുടെ അറിവോടെ കടത്ത് സ്വര്ണ്ണം കവര്ച്ച ചെയ്യാന് കരിപ്പൂര് എയര്പോര്ട്ടിലെത്തിയ ആറുപേരടങ്ങിയ കവര്ച്ചാസംഘവും അറസ്റ്റിലായി. ഖത്തറില് നിന്നും 30.04.24 തിയതി [...]