സലഫിസം തീവ്രവാദമെന്ന പ്രചരണം തെറ്റ്: ഇ ടി മുഹമ്മദ് ബഷീര്
മലപ്പുറം: താന് മുജാഹിദുകാരനല്ലെന്ന് മുസ്ലിം ലീഗ് ദേശീയ ഓര്ഗനൈസിങ് സെക്രട്ടറി ഇ ടി മുഹമ്മദ് ബഷീര്. ഒരു സ്വകാര്യ ചാനലിന് നല്കിയ അഭിമുഖത്തിലാണ് അദ്ദേഹം ഇക്കാര്യം വ്യക്തമാക്കിയത്. സലഫിസം തീവ്രവാദമാണെന്ന പ്രചരണം തെറ്റാണെന്നും അദ്ദേഹം പറഞ്ഞു.
താന് മുജാഹിദുകാരനാണെന്ന പ്രചരണം എങ്ങനെ വന്നുവെന്ന് അറിയില്ല. സമസ്തയുമായി മുസ്ലിം ലീഗിനുള്ള പ്രശ്നങ്ങള് പറഞ്ഞു തീര്ത്തുവെന്ന് ഇ ടി മുഹമ്മദ് ബഷീര് അറിയിച്ചു. മുസ്ലിം ലീഗ് വിഭാവനം ചെയ്യുന്ന മുസ്ലിം സംഘടനകളുടെ പൊതുവേദിയില് പോപ്പുലര് ഫ്രണ്ടിന് സ്ഥാനമില്ലെന്നും ഇ ടി മുഹമ്മദ് ബഷീര് പറഞ്ഞു.
മുജാഹിദ് സംസ്ഥാന സമ്മേളനത്തിന്റെ ഭാഗമായിറക്കിയ പ്രചരണ വീഡിയോയില് ഇ ടി മുഹമ്മദ് ബഷീര് മുജാഹിദ് അനുകൂല നിലപാടെടുത്തുവെന്നായിരുന്നു ആരോപണം. ഇതിനെതിരെ സമസ്തയിലെ ഒരു വിഭാഗം ശക്തമായി രംഗതെത്തിയിരുന്നു. വിഷയം സമസ്ത-ലീഗ് തര്ക്കമെന്ന നിലയിലേക്കും മാറിയിരുന്നു. ഇതേ തുടര്ന്നാണ് ഇ ടി മുഹമ്മദ് ബഷീറിന്റെ വിശദീകരണം.
RECENT NEWS
കരിപ്പൂരിൽ സ്വർണം തട്ടിയെടുക്കാനെത്തിയ സംഘത്തെ പോലീസ് പിടികൂടി
കരിപ്പൂർ: 56 ലക്ഷം രൂപയുടെ സ്വര്ണ്ണം കടത്തിയ യാത്രക്കാരനും, ഇയാളുടെ അറിവോടെ കടത്ത് സ്വര്ണ്ണം കവര്ച്ച ചെയ്യാന് കരിപ്പൂര് എയര്പോര്ട്ടിലെത്തിയ ആറുപേരടങ്ങിയ കവര്ച്ചാസംഘവും അറസ്റ്റിലായി. ഖത്തറില് നിന്നും 30.04.24 തിയതി [...]