പഠനത്തിന് സമാർട്ട് ഫോണില്ല; കമ്മൽ വിൽക്കാനൊരുങ്ങിയ വിദ്യാർത്ഥിനിക്ക് ഫോൺ നൽകി മുനവ്വറലി തങ്ങൾ
മലപ്പുറം: ഓൺ ലൈൻ പഠനത്തിന് സമാർട്ട് ഫോൺ ഇല്ലാത്തതിനെ തുടർന്ന് ആകെയുള്ള ചെറിയ കമ്മൽ വിൽക്കാനൊരുങ്ങിയ വിദ്യാർത്ഥിനിക്ക് മുനവ്വറലി തങ്ങൾ ഇടപെട്ട് സ്മാർട്ട് ഫോൺ നൽകി. മലപ്പുറം വലിയങ്ങാടി എലിക്കോട്ടിൽ ഫാത്തിമ റിൻഷ എന്ന വിദ്യാർത്ഥിനിയാണ് ലോക്ക് ഡൗണിൽ കൂലിപണിക്കാരനായ പിതാവിന് ജോലി ഇല്ലാതായതിനെ തുടർന്ന് ഓൺലൈൻ ക്ലാസ്സിൽ പങ്കെടുക്കാനാവാതെ ബുദ്ധിമുട്ടിയിരുന്നത്. ആഭരണം വിൽക്കാനായി മലപ്പുറത്തെത്തിയ കുട്ടിയെ ശ്രദ്ധയിൽ പെട്ട യൂത്ത് ലീഗ് മണ്ഡലം വൈസ്.പ്രസിഡന്റ് ഹക്കീം കോൽമണ്ണ പാണക്കാട് മുനവ്വറലി തങ്ങളെ വിവരമറിയിക്കുകയായിരുന്നു. ഉടൻ തന്നെ തങ്ങൾ ദുബൈ കെ.എം.സി.സി കണ്ണമംഗലം പഞ്ചായത്ത് ട്രഷറർ ഇൽയാസ് പി.സി.യുമായി ബന്ധപ്പെട്ട് ഫോൺ തരപ്പെടുത്തി നൽകുകയായിരുന്നു. ചടങ്ങിൽ പി.കെ. ഫിറോസ്, നജീബ് കാന്തപുരം, ഫൈസൽ ബാഫഖി തങ്ങൾ, മുജീബ് കാടേരി, അനീസ് കെ.പി. ചേറൂർ, സഫ് വാൻ, ഇ.പി എന്നിവർ പങ്കെടുത്തു.
RECENT NEWS
രാഹുൽ ഗാന്ധിയെ അപമാനിച്ചതിന് അൻവറിനെതിരെ കേസെടുത്തു
മണ്ണാർക്കാട്: രാഹുല് ഗാന്ധിക്ക് എതിരായ അധിക്ഷേപ പരാമര്ശത്തില് പി.വി.അന്വറിനെതിരെ കേസെടുത്തു. രാഹുല് ഗാന്ധിയുടെ ഡിഎന്എ പരിശോധിക്കണമെന്ന പരാമര്ശത്തിന് എതിരെയാണ് നടപടി. മണ്ണാര്കാട് കോടതി നിര്ദേശപ്രകാരം പാലക്കാട് നാട്ടുകല് പൊലീസാണ് [...]