വിദ്യാര്ഥി വെടിയേറ്റ് മരിച്ച സംഭവം; സുഹൃത്തുക്കള് കീഴടങ്ങി
പെരിന്തല്മണ്ണ: വിദ്യാര്ഥി വെടിയേറ്റ് മരിച്ച സംഭവത്തില് സുഹൃത്തുക്കളായ രണ്ട് പേര് പോലീസില് കീഴടങ്ങി. മാനത്തുമംഗലം കിഴിശ്ശേരി കുഞ്ഞിമുഹമ്മദിന്റെ മകന് മാസിന് (21) ആണ് ഇന്ന് വൈകീട്ട് വെടിയേറ്റ് മരണപ്പെട്ടത്.
പൂപ്പലത്ത് ഒഴിഞ്ഞ സ്ഥലത്ത് വച്ചാണ് മാസിന് വെടിയേറ്റത്. സുഹൃത്തുക്കളോടൊത്ത് എയര്ഗണ് ഉപയോഗിക്കാന് പഠിക്കവെ അബദ്ധത്തില് സംഭവിച്ചതാണെന്നാണ് കരുതുന്നത്.
കഴുത്തിന് വെടിയേറ്റ നിലയില് ഇന്ന് വൈകീട്ട് അഞ്ചരയോടെയാണ് മാസിനെ പെരിന്തല്മണ്ണ അല്ശിഫ ആശുപത്രിയില് പ്രവേശിപ്പിക്കുന്നത്. മാസിന്റെ കാലിനും പരിക്കുണ്ട്. ആശുപത്രിയില് എത്തിച്ചപ്പോള് തന്നെ മരിച്ചതായി ഡോക്ടര്മാര് പറയുന്നു.
കോഴിക്കോട് എഡബ്ല്യൂഎച്ച് കോളേജില് ഓഡിയോളജി എന്ജിനീയറിങ് വിദ്യാര്ഥിയാണ് മാസിന്. മതാവ്: ഖദീജ, സഹോദരങ്ങള് സീനത്ത്, സാബിദ, ഷഹന.
RECENT NEWS
കരിപ്പൂരിൽ സ്വർണം തട്ടിയെടുക്കാനെത്തിയ സംഘത്തെ പോലീസ് പിടികൂടി
കരിപ്പൂർ: 56 ലക്ഷം രൂപയുടെ സ്വര്ണ്ണം കടത്തിയ യാത്രക്കാരനും, ഇയാളുടെ അറിവോടെ കടത്ത് സ്വര്ണ്ണം കവര്ച്ച ചെയ്യാന് കരിപ്പൂര് എയര്പോര്ട്ടിലെത്തിയ ആറുപേരടങ്ങിയ കവര്ച്ചാസംഘവും അറസ്റ്റിലായി. ഖത്തറില് നിന്നും 30.04.24 തിയതി [...]