പ്രായപൂര്‍ത്തിയാവാത്ത പെണ്‍കുട്ടിയെ കടത്തിക്കൊണ്ടുപോയി മലപ്പുറം അറവങ്കരയിലെ റൂമില്‍ വെച്ചു കൂട്ട കൂട്ട ബലാത്സംഗം ചെയ്തു. തമിഴ്നാട് സ്വദേശി ഉള്‍പ്പെടെ നാലുപേര്‍ അറസ്റ്റില്‍
മലപ്പുറം: പ്രായപൂര്‍ത്തിയാവാത്ത പെണ്‍കുട്ടിയെ കടത്തി ക്കൊണ്ടുപോയി മലപ്പുറം പൂക്കോട്ടൂര്‍ അറവങ്കര യിലുള്ള റൂമില്‍ വെച്ചു കൂട്ട ബലാത്സംഗത്തിനിരയാക്കിയകേസില്‍ തമിഴ്നാട് സ്വദേശി ഉള്‍പ്പെടെ നാലുപേര്‍ അറസ്റ്റില്‍. മലപ്പുറം പൂക്കോട്ടൂര്‍ പള്ളിപ്പടി സ്വദേശി കോതടി മജീദ്(52), പൂക്കോട്ടൂര്‍ സ്വദേശി തൊട്ടിപ്പാറമ്മല്‍ കൃഷ്ണന്‍(54), പൂക്കോട്ടൂര്‍ ചോലമുക്ക് സ്വദേശി കറുത്തേടത്ത് കെ പി. അഷറഫ് (42), പൂക്കോട്ടൂരില്‍ വാടകയ്ക്ക് താമസിക്കുന്ന തമിഴ്നാട് സ്വദേശി കതിരവന്‍ @മാധവന്‍(35) എന്നിവരെയാണ് മലപ്പുറം ഡിവൈഎസ്പി അബ്ദുല്‍ ബഷീറിന്റെ നേതൃത്വത്തില്‍ പ്രത്യേക അന്വേഷണസംഘം അറസ്റ്റ് ചെയ്തത്. കോടതിയില്‍ ഹാജരാക്കിയ പ്രതികളെ റിമാന്‍ഡ് ചെയ്തു.
അയല്‍വാസിയായ പതിനൊന്നുകാരിക്ക് മൊബൈല്‍ഫോണില്‍ അശ്ലീല വീഡിയോ കാണിച്ചു കൊടുക്കുകയും ലൈംഗികാതിക്രമം നടത്തുകയും ചെയ്തുവെന്ന കേസില്‍ അറസ്റ്റിലായ യുവാവിന്റെ ജാമ്യാപേക്ഷയും മഞ്ചേരി പോക്‌സോ സ്‌പെഷ്യല്‍ കോടതി കഴിഞ്ഞ ദിവസം തള്ളിയിരുന്നു. റിമാന്റില്‍ കഴിയുന്ന അരിമ്പ്ര ബിരിയപ്പുറം പള്ളിയാളി ഇ പി ശിഹാബുദ്ദീന്‍ എന്ന ബാബു (33)ന്റെ ജാമ്യാപേക്ഷയാണ് തള്ളിയത്. 2021 മെയ് മാസത്തിലെ വിവിധ ദിവസങ്ങളിലാണ് കേസിന്നാസ്പദമായ സംഭവം. കളിക്കാനായി അയല്‍പക്കത്തെ വീട്ടിലേക്ക് എത്തിയതായിരുന്നു കുട്ടി. ഇക്കഴിഞ്ഞ ആഗസ്റ്റ് 25ന് കൊണ്ടോട്ടി പൊലീസാണ് പ്രതിയെ അറസ്റ്റ് ചെയ്തത്.
വിവിധ ഓഡിറ്റോറിയങ്ങള്‍ക്ക് സമീപം വാഹനം നിര്‍ത്തി പ്രായപൂര്‍ത്തിയാകാത്ത ബാലികയെ ബലാല്‍സംഗം ചെയ്തുവെന്ന കേസില്‍ റിമാന്റില്‍ കഴിയുന്ന പ്രതിക്കും സഹായിക്കും മഞ്ചേരി പോക്‌സോ സ്‌പെഷ്യല്‍ കോടതി കഴിഞ്ഞ ദിവസം ജാമ്യം നിരസിച്ചിരുന്നു. കരേക്കാട് ചെങ്കണ്ടന്‍പടി വെട്ടിക്കാട്ടില്‍ നിസാമുദ്ദീന്‍ (22), സഹായി ഓട്ടോ ഡ്രൈവര്‍ വളാഞ്ചേരി കരേക്കാട് ചങ്ങണക്കാട്ടില്‍ ലുക്മാനുല്‍ ഹക്കീം (27) എന്നിവരുടെ ജാമ്യാപേക്ഷയാണ് തള്ളിയത്. മൊബൈല്‍ ഫോണിലൂടെ പരിചയപ്പെട്ട 15കാരിയെയാണ് സ്‌കൂളില്‍ പോകുന്ന സമയം വാഹനത്തില്‍ കയറ്റി കൊണ്ടുപോയി ബലാല്‍സംഗം ചെയ്തത്. 2021 നവംബര്‍ അഞ്ചിന് കരേക്കാട് ഓഡിറ്റോറിയത്തിന് സമീപത്തും 2021 ഡിസംബര്‍ രണ്ടിന് പൂക്കാട്ടിരി സില്‍വര്‍ പ്ലാസ ഓഡിറ്റോറിയത്തിനു മുന്നിലും നിര്‍ത്തിയിട്ട കാറില്‍ വെച്ചും 2022 മെയ് 10ന് കുളമംഗലം നദാസ് ഓഡിറ്റോറിയത്തിനു മുന്നില്‍ നിര്‍ത്തിയിട്ട ഓട്ടോറിക്ഷയില്‍ വെച്ചും ബലാല്‍സംഗം ചെയ്തുവെന്നാണ് കേസ്. 2022 ആഗസ്റ്റ് 29ന് വളാഞ്ചേരി പൊലീസാണ് പ്രതികളെ അറസ്റ്റ് ചെയ്തത്.
RECENT NEWS
വോട്ട് ചെയ്യാൻ വരുന്നതിനിടെ അപകടത്തിൽ പെട്ട് പരപ്പനങ്ങാടി സ്വദേശി മരിച്ചു
പരപ്പനങ്ങാടി: ലോറിയിടിച്ച് സ്കൂട്ടര് യാത്രികൻ മരിച്ചു. ചെറമംഗലം കുരുക്കള് റോഡ് സ്വദേശി സൈദുഹാജി(70) യാണ് മരിച്ചത്. അപകടത്തിൽ ഗുരുതരമായി പരിക്കേറ്റതിനെ തുടർന്ന് സ്വകാര്യ ആശുപത്രിയിൽ ചികിൽസയിലായിരുന്നു. 12.30 ഓടെ മരണപ്പെടുകയായിരുന്നു. [...]
