റിയാദില്‍ റോഡ്മുറിച്ച് കടക്കുന്നതിനിടെ കാറിടിച്ച് മലപ്പുറം പെരിന്തല്‍മണ്ണ സ്വദേശി മരിച്ചു
മലപ്പുറം: സൗദിയിലെ റിയാദില്‍ റോഡ് മുറിച്ച് കടക്കുന്നതിനിടെ മലപ്പുറം പെരിന്തല്‍മണ്ണ സ്വദേശി മരിച്ചു. പെരിന്തല്‍മണ്ണ മണലായ ചന്ദനംപറമ്പ് അബ്ദുല്‍സലാം (44) ആണ് ഇസ്താംബൂള്‍ റോഡില്‍ വെച്ച് കാറിടിച്ച് മരിച്ചത്. ജോലികഴിഞ്ഞ് താമസ സ്ഥലത്തേക്ക് മടങ്ങുന്നതിനിടയാണ് അപകടമുണ്ടായത്.പാലക്കാട് വടക്കഞ്ചേരി പരേതനായ കുഞ്ഞഹമ്മദിന്റെയും ആമിനയുടെയും മകനാണ്. ഭാര്യ: ഖമറുല്ലൈല. മക്കള്‍: റിന്‍ഷ, മുഹമ്മദ് ഷാന്‍, മരുമകള്‍: മുഹ്‌സിന്‍ കുന്നത്ത്. ശുമൈസി ആശുപത്രി മോര്‍ച്ചറിയില്‍ സൂക്ഷിച്ചിരിക്കുന്ന മൃതദേഹം നിയമ നടപടികള്‍ പൂര്‍ത്തിയാക്കി റിയാദില്‍ ഖബറടക്കും.
RECENT NEWS
മലപ്പുറം പാലത്തിങ്ങലിലെ വനിതാ ഹോട്ടലില്‍ മോഷണം. രണ്ട് മൊബൈല്‍ ഫോണും പണവും കവര്‍ന്നു
പരപ്പനങ്ങാടി: പാലത്തിങ്ങലില് റേഷന് ഷോപ്പിന് സമീപത്തെ വനിതാ ഹോട്ടലില്‍ മോഷണം. ഇന്നലെ രാത്രിയാണ് മോഷണം നടന്നത്. രണ്ട് മൊബൈല്‍ ഫോണും മേശയിലുണ്ടായിരുന്ന 1500 രൂപയും കവര്‍ന്നു. പാലത്തിങ്ങല് സ്വദേശി രമണിയുടെ ഉടമസ്ഥതയിലുള്ളതാണ് ഈ ഹോട്ടല്. [...]
