ആണ്‍കുട്ടിയെ ലൈംഗികമായി പീഡിപിച്ച കേസില്‍ യുവാവ് പോക്‌സോ കേസില്‍ അറസ്റ്റില്‍
മലപ്പുറം: പ്രായപൂര്‍ത്തി ആകാത്ത ആണ്‍കുട്ടിയെ ലൈംഗികമായി പീഡിപിച്ച കേസില്‍ യുവാവ് പോക്‌സോ കേസില്‍ അറസ്റ്റില്‍. നരോക്കാവ് ഞാവലിങ്കല്‍ പറമ്പില്‍ അബ്ബാസി (37 ) നെയാണ് വഴിക്കടവ് പോലീസ് ഇന്‍പെക്ടര്‍ പി. അബ്ദുല്‍ ബഷീര്‍ പാലക്കാട് നിന്നും അറസ്റ്റ് ചെയ്തത്. 2016ലാണ് കേസിന് ആസ്പദമായസംഭവമുണ്ടായതെന്ന് പോലീസ് പറഞ്ഞു. കുട്ടിയുടെ പരാതിയില്‍ രണ്ടു ദിവസങ്ങള്‍ മുന്‍പ് എടക്കര പോലീസ് സ്റ്റേഷനില്‍ രണ്ടു കേസുകള്‍ രജിസ്റ്റര്‍ ചെയ്തിരുന്നു. തണ്ണിക്കടവ് മുഹമ്മദ് ഫസല്‍, പലേമാട് സജീര്‍ മോന്‍ എന്നിവരെ എടക്കര പോലീസ് അറസ്റ്റ് ചെയ്തിരുന്നു. തുടരന്വേഷണത്തിലാണ് ബാലനെ വഴിക്കടവ് പോലിസ് പരിധിയില്‍ ഉള്ള സ്ഥലത്ത് വച്ചും ലൈംഗിക അതിക്രമം നേരിട്ടതായി വ്യക്തമായത്. ഇതോടെ വഴിക്കടവ് പോലീസ് കേസെടുത്ത് അന്വേഷണം നടത്തുന്നതിനിടെയാണ് നരോക്കാവ് സ്വദേശിയെ പാലക്കാട് നിന്നും പ്രത്യേക അന്വേഷണ സംഘം പിടികൂടിയത്. പ്രത്യേക അന്വേഷണ സംഘത്തില്‍ എസ്.ഐ എം. അസൈനാര്‍, പോലീസുകാരായ എന്‍.എ അബുബക്കര്‍, റിയാസ് ചീനി, അഭിലാഷ് കൈപ്പിനി, ടി. നിബിന്‍ദാസ്, ജിയോ ജേക്കബ്, എസ്. പ്രശാന്ത് കുമാര്‍ എന്നിവരുമുണ്ടായിരുന്നു. പ്രതിയെ മഞ്ചേരി മഞ്ചേരി കോടതിയില്‍ ഹാജരാക്കി മഞ്ചേരി സബ്ബ് ജയിലിലേക്ക് റിമാന്റ് ചെയ്തു.
RECENT NEWS
വോട്ട് ചെയ്യാൻ വരുന്നതിനിടെ അപകടത്തിൽ പെട്ട് പരപ്പനങ്ങാടി സ്വദേശി മരിച്ചു
പരപ്പനങ്ങാടി: ലോറിയിടിച്ച് സ്കൂട്ടര് യാത്രികൻ മരിച്ചു. ചെറമംഗലം കുരുക്കള് റോഡ് സ്വദേശി സൈദുഹാജി(70) യാണ് മരിച്ചത്. അപകടത്തിൽ ഗുരുതരമായി പരിക്കേറ്റതിനെ തുടർന്ന് സ്വകാര്യ ആശുപത്രിയിൽ ചികിൽസയിലായിരുന്നു. 12.30 ഓടെ മരണപ്പെടുകയായിരുന്നു. [...]
