യുവതിയുടെ കണ്ണില്‍ നിന്നും 10സെന്റീമീറ്റര്‍ നീളമുള്ള വിരയെ പുറത്തെടുത്തു
തിരൂരങ്ങാടി: കടലുണ്ടി സ്വദേശിനിയായ 34 കാരിയുടെ കണ്ണില്‍ നിന്നും പത്ത് സെന്റീമീറ്റര്‍ നീളം വരുന്ന ഫൈലേറിയ എന്ന ഇനത്തില്‍ പെട്ട ‘ലോവ ലോവ’ എന്ന് സംശയിക്കുന്ന വിരയെ പുറത്തെടുത്തു. ചെമ്മാട് ഇമ്രാന്‍സ് കണ്ണാശുപത്രിയിലെ ഡോക്ടര്‍മാരായ മുഹമ്മദ് ഇമ്രാന്‍, ശൈലേഷ് കുമാര്‍ എന്നിവരുടെ നേതൃത്വത്തില്‍ ഒരു മണിക്കൂര്‍ നീണ്ട ശസ്ത്രക്രിയയിലൂടെ പുറത്തെടുത്തത്. കണ്ണില്‍ അസഹ്യമായ വേദനയും ചൊറിച്ചിലും കാരണം യുവതി ചെമ്മാട് ഇമ്രാന്‍സ് കണ്ണാശുപത്രിയില്‍ ചികിത്സ തേടുകയായിരുന്നു. കണ്ണിന്റെ പ്രാഥമിക പരിശോധനയില്‍ തന്നെ ഡോക്ടര്‍മാര്‍ കണ്ണില്‍ വിരയെ കണ്ടെത്തുകയായിരുന്നു. യുവതി സുഖം പ്രാപിച്ചു വരുന്നതായി ഡോക്ടര്‍മാര്‍ അറിയിച്ചു.
RECENT NEWS
ഷൈൻ ടോം ചാക്കോയുടെ കാക്കി വേഷം കണ്ടു പേടിച്ച് വീണ ബൈക്ക് യാത്രികന് പരുക്ക്
എടപ്പാള്: റോഡില് പൊലീസ് വേഷത്തിലുള്ള നടനെ കണ്ട് യഥാര്ത്ഥ പൊലീസ് ആണെന്ന് കരുതി സ്കൂട്ടര് പെട്ടെന്ന് നിര്ത്താന് ശ്രമിച്ചതിനിടയില് തെന്നി വീണ് യുവാവിന് പരിക്ക്. ഹെൽമറ്റ് ധരിക്കാതെ വന്ന യുവാവ് പൊലീസ് വാഹന പരിശോധന നടത്തുകയാണെന്ന് കരുതിയാണ് [...]
