ഇതാ മലപ്പുറത്തെ അര്ജന്റീന-ബ്രസീല് ആരാധകര് ഒന്നിച്ചാഘോഷിക്കുന്നു അര്ജന്റീനയുടെ തോല്വി
മലപ്പുറം: ചരിത്രത്തിലാദ്യമായി അര്ജന്റീനയുടെ തോല്വി മലപ്പുറത്തെ ബ്രസീല് ആരാധകരും, അര്ജന്റീന ആരാധകരും ഒന്നിച്ച് ആഘോഷിക്കുന്നു. പതിറ്റാണ്ടുകളായി ഇവിടത്തെ അര്ജന്റീന ആരാധകരോട് ഉയര്ന്ന ചോദ്യം, ഇന്ത്യയും-അര്ജന്റീനയും ലോകകപ്പില് ഏറ്റു മുട്ടിയാല് നിങ്ങളേത് ടീമിനെ പിന്തുണയ്ക്കും, ഒടുവില് അതിന് ഉത്തരമായിരിക്കുന്നു. ഇന്നലെ രാത്രി ഇന്ത്യ-അര്ജന്റീന ജൂനിയര് ടീമുകളുടെ കളിയില് മലപ്പുറത്ത് ചങ്ക് ഇന്ത്യക്കൊപ്പം തന്നെയായിരുന്നു. അര്ജന്റീന/ബ്രസീല് ആരാധകര് ഒരുമിച്ച് അര്ജന്റീന തോല്ക്കണമെന്ന് മനസുരുകി പ്രാര്ഥിച്ച രാത്രി. ഒടുവില് ഇന്ത്യന് ഫുട്ബോളിലെ ആ ചരിത്ര നിമിഷം പിറന്നു.
വീഡിയോ കാണാം.
സ്പെയിനില് നടന്ന കോടിഫ് കപ്പില് ഒന്നിനെതിരെ രണ്ടു ഗോളുകള്ക്കായിരുന്നു ഇന്ത്യന് ചുണകുട്ടികളുടെ വിജയം. നാലാം മിനുറ്റില് തന്നെ ഗോള് നേടി ഇന്ത്യ വരവറിയിച്ചു. ഹെഡറിലൂടെ ദീപക്കാണ് ഗോള് നേടിയത്. രണ്ടാം പകുതിയുടെ 54-ാം മിനുറ്റില് അനികേതിന് ലഭിച്ച ചുവപ്പ് കാര്ഡോഡെ ഇന്ത്യ പത്തു പേരായി ചുരുങ്ങി. 68-ാം മിനുറ്റില് അന്വര് അലിയുടെ ലോങ് റേഞ്ച് ഗോളോട് ഇന്ത്യ 2-0ത്തിന് മുന്നിലായി. ഒരു ഗോള് അര്ജന്റീന മടക്കിയെങ്കിലും, വീണ്ടും ഗോള് നേടാന് അവരെ അനുവദിക്കാതെ ഇന്ത്യന് പ്രതിരോധം ഉറച്ചു നിന്നു. ശക്തരായ വെനസ്വേലയേയും ഈ ടീം സമനിലയില് തളച്ചിരുന്നു.
RECENT NEWS
ഡിജിറ്റൽ കാണിക്ക സംവിധാനവുമായി ശ്രീ ആലത്തിയൂർ ഹനുമാൻകാവ് ക്ഷേത്രം, സമർപ്പിച്ചത് യൂണിയൻ ബാങ്ക് ഓഫ് ഇന്ത്യ
തിരൂർ: ശ്രീ ആലത്തിയൂർ ഹനുമാൻ കാവ് ക്ഷേത്രത്തിൽ ഡിജിറ്റൽ ആയി കാണിക്ക സമർപ്പിക്കാനുള്ള സംവിധാനം യൂണിയൻ ബാങ്ക് ഓഫ് ഇന്ത്യ സോണൽ ഹെഡ് ശ്രീമതി രേണു കെ നായർ ഉദ്ഘാടനം ചെയ്തു. നാഷണൽ പേയ്മെന്റ് കോർപ്പറേഷൻ ഒഫ് ഇന്ത്യയുടെ ഭാരത് ക്യൂ ആർ കോഡ് അടിസ്ഥാനമാക്കിയ [...]