തീ പിടിച്ച യുവാവ് പെരിന്തല്മണ്ണ മൗലാന ആശുപത്രിയിലേക്ക് ഓടിക്കയറി
പെരിന്തല്മണ്ണ: പെരിന്തല്മണ്ണ മൗലാനാ ആശുപത്രിക്ക് സമീപത്ത് നിന്ന് തീപിടിച്ച നിലയില് യുവാവ് ആശുപത്രിയിലേക്ക് ഓടിക്കയറി. എടക്കര തച്ചുപറമ്പന് ഫവാസ് (30) ആണ് ഗുരുതരമായി പൊള്ളലേറ്റത്. ഇന്ന് വൈകുന്നേരം നാലുമാണിയോടെ പെരിന്തല്മണ്ണ മൗലാന ആശുപത്രിയിലാണ് സംഭവം. ആശുപത്രിക്ക് എതിര്വശത്ത് പണി നടന്നുകൊണ്ടിരിക്കുന്ന കടയുടെ വരാന്തയില് നിന്നാണ് തീപിടിച്ച നിലയില് ഫവാസ് ഓടിയതെന്ന് നാട്ടുകാര് പറയുന്നു. റോഡ് മുറിച്ചുകടന്ന് ആശുപത്രി തീവ്രപരിചരണ വിഭാഗത്തിന് മുന്നിലേക്ക് എത്തുകയായിരുന്നു. അവിടെയുണ്ടായിരുന്നവര് തുണിയും മറ്റും എറിഞ്ഞ് തീകെടുത്തി. അടിയന്തര ചികിത്സ നല്കി. എന്നാല് 70 ശതമാനത്തോളം പൊള്ളലേറ്റിട്ടുള്ളതിനാല് കോഴിക്കോട് മെഡിക്കല് കോളേജ് ആസ്പത്രിയിലേക്ക് മാറ്റി. ആത്മഹത്യാശ്രമമാണെന്ന പ്രാഥമിക നിഗമനത്തിലാണ് പോലീസ്.
RECENT NEWS
ഡിജിറ്റൽ കാണിക്ക സംവിധാനവുമായി ശ്രീ ആലത്തിയൂർ ഹനുമാൻകാവ് ക്ഷേത്രം, സമർപ്പിച്ചത് യൂണിയൻ ബാങ്ക് ഓഫ് ഇന്ത്യ
തിരൂർ: ശ്രീ ആലത്തിയൂർ ഹനുമാൻ കാവ് ക്ഷേത്രത്തിൽ ഡിജിറ്റൽ ആയി കാണിക്ക സമർപ്പിക്കാനുള്ള സംവിധാനം യൂണിയൻ ബാങ്ക് ഓഫ് ഇന്ത്യ സോണൽ ഹെഡ് ശ്രീമതി രേണു കെ നായർ ഉദ്ഘാടനം ചെയ്തു. നാഷണൽ പേയ്മെന്റ് കോർപ്പറേഷൻ ഒഫ് ഇന്ത്യയുടെ ഭാരത് ക്യൂ ആർ കോഡ് അടിസ്ഥാനമാക്കിയ [...]