അങ്ങാടിപ്പുറം ഹോണ്ട ഷോറൂം തീ പിടിച്ച് 18വാഹനങ്ങള് കത്തി നശിച്ചു
പെരിന്തല്മണ്ണ: അങ്ങാടിപ്പുറം ഹോണ്ട ഷോറൂമില് വന് തീപിടുത്തം. ഇന്ന് പുലര്ച്ചെ ആറ് മണിയോടെയാണ് സമീപവാസികളും യാത്രാക്കാരും ഷോറൂമില് നിന്ന് തീയും പുകയും ഉയരുന്നത് കണ്ടത്. ഉടന് അഗ്നിശമന സേനാവിഭാഗത്തെ വിവരമറിയിക്കുകയായിരുന്നു. പെരിന്തല്മണ്ണ അഗ്ശമന സേനാവിഭാഗം സ്ഥലത്തെത്തി തീയണച്ചു. സര്വീസിനായി കൊണ്ടുവന്ന 18 വാഹനങ്ങള് പൂര്ണ്ണമായും കത്തി നശിച്ചു. കൂടാതെ ഇരുപതിലധികം വാഹനങ്ങള് ഭാഗികമായും കത്തിയിട്ടുണ്ട്.
കോഴിക്കോട്-പാലക്കാട് ദേശീയപാതയില് അങ്ങാടിപ്പുറം ജങ്ഷനില് നിന്നും 50 മീറ്റര് അകലെ കോഴിക്കോട് റോഡിലാണ് അടുത്തകാലത്ത് നവീകരിച്ച് ഷോറൂം. ഷോര്ട്ട് സര്ക്യൂട്ടാണ് അപകടത്തിന് കാരണമെന്നാണ് പ്രാഥമിക വിവരം.
മുകളിലെ നിലയിലായിരുന്നു പുതിയ വാഹനങ്ങള് ഉണ്ടായിരുന്നത്. തീ മുകളിലേക്ക് പടരുമ്ബോഴേക്കും നാട്ടുകാരും അഗ്നിശമന സേനാംഗങ്ങളും ചേര്ന്ന് ഈ വാഹനങ്ങള് ഇവിടെനിന്ന് മാറ്റി. തീ പടര്നന്നത് അറിയാന് വൈകിയതാണ് അപകടത്തിന്റെ വ്യാപ്തി വര്ധിപ്പിക്കാനിടയാക്കിയത്. അഗ്നി ശമനസേനാ യൂണിറ്റുകള് ഒന്നര മണിക്കൂറോളമെടുത്താണ് തീ അണച്ചത്.
RECENT NEWS
ഡിജിറ്റൽ കാണിക്ക സംവിധാനവുമായി ശ്രീ ആലത്തിയൂർ ഹനുമാൻകാവ് ക്ഷേത്രം, സമർപ്പിച്ചത് യൂണിയൻ ബാങ്ക് ഓഫ് ഇന്ത്യ
തിരൂർ: ശ്രീ ആലത്തിയൂർ ഹനുമാൻ കാവ് ക്ഷേത്രത്തിൽ ഡിജിറ്റൽ ആയി കാണിക്ക സമർപ്പിക്കാനുള്ള സംവിധാനം യൂണിയൻ ബാങ്ക് ഓഫ് ഇന്ത്യ സോണൽ ഹെഡ് ശ്രീമതി രേണു കെ നായർ ഉദ്ഘാടനം ചെയ്തു. നാഷണൽ പേയ്മെന്റ് കോർപ്പറേഷൻ ഒഫ് ഇന്ത്യയുടെ ഭാരത് ക്യൂ ആർ കോഡ് അടിസ്ഥാനമാക്കിയ [...]