കൂരിയാട് കാറുകള് കൂട്ടിയിടിച്ച് ഒരാള് മരിച്ചു
വേങ്ങര: ദേശീയ പാതയില് കൂരിയാട് കാറുകള് കൂട്ടിയിടിച്ചുണ്ടായ അപകടത്തില് ഒരാള് മരിച്ചു. കണ്ണൂര് ചന്ദനക്കാംപാറ കല്ലറക്കല് മാനുവിന്റെ ഭാര്യ ത്രേസ്യാമ (68) ആണ് മരിച്ചത്. ചൊവ്വാഴ്ച രാത്രി പതിനൊന്നരക്കാണ് അപകടമുണ്ടായത്. പാലായില് നിന്ന് കണ്ണൂരിലേക്ക് മടങ്ങുകയായിരുന്ന ത്രേസ്യാമയുടെ കുടുംബം സഞ്ചരിച്ചിരുന്ന ബ്രസ കാറും കോഴിക്കോട് നിന്നും എറണാകുളത്തേക്ക് പോവുകയായിരുന്ന കാറും തമ്മില് കൂട്ടിയിടിച്ചാണ് അപകടം. രണ്ടാമത്തെ കാര് താഴ്ചയിലെ വയലിലേക്ക് വീണു ഇതിലെ യാത്രക്കാര്ക്ക് നിസ്സാരമായ പരുക്കേറ്റു. ഇവരെ തിരൂരങ്ങാടി ആശുപത്രിയില് പ്രവേശിപ്പിച്ചു. ത്രേസ്യാമ സംഭവ സ്ഥലത്ത് വെച്ച് തന്നെ മരണപ്പെട്ടു. കാറിലുണ്ടായിരുന്ന മകള് ലിജി (42), മരുമകന് ബിനോയ് (46) ഇവരുടെ മക്കളായ ആല്ബി (14), ഐറിന് (നാല്)എന്നിവര്ക്കും പരുകേറ്റു. ഇവരെ കോട്ടയ്ക്കലിലെ സ്വകാര്യ ആശുപത്രിയില് പ്രവേശിപ്പിച്ചു.
RECENT NEWS
ഡിജിറ്റൽ കാണിക്ക സംവിധാനവുമായി ശ്രീ ആലത്തിയൂർ ഹനുമാൻകാവ് ക്ഷേത്രം, സമർപ്പിച്ചത് യൂണിയൻ ബാങ്ക് ഓഫ് ഇന്ത്യ
തിരൂർ: ശ്രീ ആലത്തിയൂർ ഹനുമാൻ കാവ് ക്ഷേത്രത്തിൽ ഡിജിറ്റൽ ആയി കാണിക്ക സമർപ്പിക്കാനുള്ള സംവിധാനം യൂണിയൻ ബാങ്ക് ഓഫ് ഇന്ത്യ സോണൽ ഹെഡ് ശ്രീമതി രേണു കെ നായർ ഉദ്ഘാടനം ചെയ്തു. നാഷണൽ പേയ്മെന്റ് കോർപ്പറേഷൻ ഒഫ് ഇന്ത്യയുടെ ഭാരത് ക്യൂ ആർ കോഡ് അടിസ്ഥാനമാക്കിയ [...]