കെഎംസിടി ഡെന്റല് കോളേജിന് നാക് എ പ്ലസ്സ് സര്ട്ടിഫിക്കറ്റ്
കെഎംസിടി ഡെന്റല് കോളേജിന് നാക് അക്രെഡിറ്റേഷന് ഗ്രേഡ് എ പ്ലസ്സ് (ഗ്രേഡ് എ പ്ലസ്) ലഭിച്ചതിന്റെ സര്ട്ടിഫിക്കറ്റ് ബഹുമാനപ്പെട്ട സംസ്ഥാന ആരോഗ്യ-കുടുബക്ഷേമ വകുപ്പു മന്ത്രി വീണാ ജോര്ജ്ജില് നിന്നും കെഎംസിടി കോളേജ് പ്രിന്സിപ്പല് ഡോ. കെ.പി. മനോജ് ഏറ്റുവാങ്ങി.
നാഷണല് അക്രഡിറ്റേഷന് ആന്റ് അസ്സസ്സ്മെന്റ് കൗണ്സിലിന്റെ (നാക്) ഗ്രേഡ് എ പ്ലസ്സ് (ഗ്രേഡ് എ പ്ലസ) സര്ട്ടിഫിക്കറ്റ് ആദ്യ റൗണ്ടില് തന്നെ കരസ്ഥമാക്കിയ കോഴിക്കോട് ആസ്ഥാനമായുള്ള കെഎംസിടി ഡെന്റല് കോളേജ് സംസ്ഥാനത്തിന്റെ ഉന്നത വിദ്യാഭ്യാസ മേഖലക്കാകെ അഭിമാനകാരമായ നേട്ടമാണ് കൈവരിച്ചത്. രാജ്യത്ത് ഇതാദ്യമായാണ് ഒരു ഡെന്റല് കോളേജ് ആദ്യ റൗണ്ടില് തന്നെ നാക്കിന്റെ ഗ്രേഡ് എ പ്ലസ്സ് അംഗീകാരംനേടുന്നത്. ഇന്ത്യയിലെ 318 ഡെന്റല് കോളേജുകളില് കല്പ്പിത സര്വ്വകാലശാലകള് ഒഴികെയുള്ള 26 കോളേജുകള്ക്ക് മാത്രമാണ് നാക് അക്രഡിറ്റേഷന് ലഭിച്ചിട്ടുള്ളത്.
‘ലോകോത്തര നിലവാരത്തിലുള്ള വിദ്യാഭ്യാസം നമ്മുടെ രാജ്യത്തും ലഭ്യമാക്കുന്നതിനുള്ള ഞങ്ങളുടെ പരിശ്രമങ്ങള്ക്ക് ഈ അംഗീകാരം കൂടുതല് ഉത്തേജനം പ്രദാനം ചെയ്യുമെന്ന്’ കെഎംസിടി ഗ്രൂപ്പ് മാനേജിംഗ് ട്രസ്റ്റി ഡോ. നവാസ് പറഞ്ഞു.
ഉന്നത വിദ്യാഭ്യാസ സ്ഥാപനങ്ങളുടെ മേന്മയും, ഗുണനിലാവരാവും വിലയിരുത്തി അവയുടെ അടിസ്ഥാനത്തില് അക്രഡിറ്റേഷന് നല്കുന്ന യൂണിവേഴ്സിറ്റി ഗ്രാന്ഡ്സ് കമ്മീഷന്റെ ധനസഹായത്തോടെ പ്രവര്ത്തിക്കുന്ന സ്ഥാപനമാണ് നാക്.
RECENT NEWS
ഡിജിറ്റൽ കാണിക്ക സംവിധാനവുമായി ശ്രീ ആലത്തിയൂർ ഹനുമാൻകാവ് ക്ഷേത്രം, സമർപ്പിച്ചത് യൂണിയൻ ബാങ്ക് ഓഫ് ഇന്ത്യ
തിരൂർ: ശ്രീ ആലത്തിയൂർ ഹനുമാൻ കാവ് ക്ഷേത്രത്തിൽ ഡിജിറ്റൽ ആയി കാണിക്ക സമർപ്പിക്കാനുള്ള സംവിധാനം യൂണിയൻ ബാങ്ക് ഓഫ് ഇന്ത്യ സോണൽ ഹെഡ് ശ്രീമതി രേണു കെ നായർ ഉദ്ഘാടനം ചെയ്തു. നാഷണൽ പേയ്മെന്റ് കോർപ്പറേഷൻ ഒഫ് ഇന്ത്യയുടെ ഭാരത് ക്യൂ ആർ കോഡ് അടിസ്ഥാനമാക്കിയ [...]