അര്ഹരായവര് വാക്സിന് സ്വീകരിക്കണം – ജില്ലാ മെഡിക്കല് ഓഫീസര്
കോവിഡ് പോസിറ്റീവായി മൂന്ന് മാസം കഴിയാത്തവര്, ആരോഗ്യ കാരണങ്ങളാല് തത്കാലം വാക്സിന് എടുക്കാന് സാധിക്കാത്തവര്, നിലവില് സ്ഥലത്തില്ലാത്തവര് എന്നിവരൊഴികെ അര്ഹരായ എല്ലാവരും വാക്സിനേഷന് നടപടികള് പൂര്ത്തീകരിക്കണമെന്ന് ജില്ലാ മെഡിക്കല് ഓഫീസര് ഡോ. കെ. സക്കീന അറിയിച്ചു. ജില്ലയില് ഇതുവരെ 39,41,164 ഡോസ് കോവിഡ് വാക്സിനാണ് വിതരണം ചെയ്തത്. ഇതില് 28,82,241 പേര്ക്ക് ഒന്നാം ഡോസും 10,58,923 പേര്ക്ക് രണ്ട് ഡോസ് വാക്സിനുമാണ് നല്കിയത്.
ഇനിയും വാക്സിന് ലഭിക്കാന് ബാക്കി ഉള്ളവര് അതത് ആരോഗ്യകേന്ദ്രത്തിലെ മെഡിക്കല് ഓഫീസര്, ആരോഗ്യപ്രവര്ത്തകര് എന്നിവരുമായി ബന്ധപ്പെടണമെന്ന് ജില്ലാ മെഡിക്കല് ഓഫീസര് അറിയിച്ചു. ഏതെങ്കിലും വിധത്തിലുള്ള കോവിഡ് രോഗ ലക്ഷണങ്ങളുള്ളവര് അടുത്തുള്ള ആരോഗ്യ കേന്ദ്രം, ജില്ലാതല കണ്ട്രോള് സെല്, ആരോഗ്യ പ്രവര്ത്തകര് എന്നിവരുമായി ഫോണില് ബന്ധപ്പെട്ട് ലഭിക്കുന്ന നിര്ദേശങ്ങള് പൂര്ണമായും പാലിക്കണമെന്നും ജില്ലാ മെഡിക്കല് ഓഫീസര് അറിയിച്ചു.
ജില്ലാതല കണ്ട്രോള് സെല് നമ്പറുകള്: 0483 2737858, 2737857, 2733251, 2733252, 2733253.
RECENT NEWS
താനൂര് കസ്റ്റഡി മരണവുമായി ബന്ധപ്പെട്ട കേസില് നാല് പോലീസുകാരെ സി.ബി.ഐ. അറസ്റ്റ് ചെയ്തു
മലപ്പുറം: താനൂര് കസ്റ്റഡി മരണവുമായി ബന്ധപ്പെട്ട കേസില് നാല് പോലീസുകാരെ സി.ബി.ഐ. അറസ്റ്റ് ചെയ്തു. സിവില് പോലീസ് ഓഫീസര്മാരായ ഒന്നാംപ്രതി ജിനേഷ്, രണ്ടാംപ്രതി ആല്ബിന് അഗസ്റ്റിന്, മൂന്നാംപ്രതി അഭിമന്യൂ, നാലാംപ്രതി വിപിന് എന്നിവരെയാണ് സി.ബി.ഐ. [...]