ഓണം അശരണര്ക്കൊപ്പം ആഘോഷിച്ച് ‘എന്റെ താനൂര്’
താനൂര്: ഓണാഘോഷം അശരണര്ക്കൊപ്പം ആഘോഷമാക്കി ‘എന്റെ താനൂര്’ പ്രവര്ത്തകര്. വി അബ്ദുറഹ്മാന് എം എല് എയുടെ നേതൃത്വത്തില് മണ്ഡലത്തിലെ കിടപ്പിലായ രോഗികള്ക്കും, നിര്ധനര്ക്കും സാന്ത്വനം പകരാനുള്ള നടപടികള് കൈക്കൊണ്ടാണ് ഇവര് ഓണം ആഘോഷിച്ചത്. ഓണ സമ്മാനമായി മണ്ഡലത്തിലെ ആയിരത്തോളം പേര്ക്ക് എം എല് എയുടെ നേതൃത്വത്തില് ഓണക്കോടി വീട്ടിലെത്തിച്ചു നല്കി.
നിറമരുതൂര്, ഒഴൂര്, താനാളൂര്, പൊന്മുണ്ടം, ചെറിയമുണ്ടം പഞ്ചായത്തുകളിലേയും, താനൂര് നഗരസഭയിലേയും പരിരക്ഷ വിഭാഗത്തില് ഉള്പ്പെടുന്നവര്ക്കാണ് വസ്ത്രങ്ങള് നല്കിയത്. താനാളൂര് പഞ്ചായത്ത് പ്രസിഡന്റ് വി അബ്ദുല് റസാഖ്, ഒഴൂര് പഞ്ചായത്ത് വൈസ് പ്രസിഡന്റ് അഷ്കര് കോറാട്, നിറമരുതൂര് പഞ്ചായത്ത് സ്റ്റാന്റിങ് കമ്മിറ്റിയംഗം കെ ടി ശശി എന്നിവരും വസ്ത്രങ്ങള് വിതരണം ചെയ്യാന് മുന്നിട്ടിറങ്ങി.
കഴിഞ്ഞ വര്ഷം ഓണാഘോഷത്തിന്റെ ഭാഗമായി മണ്ഡലത്തിലെ 3000ത്തോളം അമ്മമാരെ ആദരിച്ചിരുന്നു. വിഷുവിന് മണ്ഡലത്തില് പിതൃവന്ദനവും നടത്തിയിരുന്നു.
RECENT NEWS
ഡിജിറ്റൽ കാണിക്ക സംവിധാനവുമായി ശ്രീ ആലത്തിയൂർ ഹനുമാൻകാവ് ക്ഷേത്രം, സമർപ്പിച്ചത് യൂണിയൻ ബാങ്ക് ഓഫ് ഇന്ത്യ
തിരൂർ: ശ്രീ ആലത്തിയൂർ ഹനുമാൻ കാവ് ക്ഷേത്രത്തിൽ ഡിജിറ്റൽ ആയി കാണിക്ക സമർപ്പിക്കാനുള്ള സംവിധാനം യൂണിയൻ ബാങ്ക് ഓഫ് ഇന്ത്യ സോണൽ ഹെഡ് ശ്രീമതി രേണു കെ നായർ ഉദ്ഘാടനം ചെയ്തു. നാഷണൽ പേയ്മെന്റ് കോർപ്പറേഷൻ ഒഫ് ഇന്ത്യയുടെ ഭാരത് ക്യൂ ആർ കോഡ് അടിസ്ഥാനമാക്കിയ [...]