അടിവസ്ത്രത്തിൽ ഒളിപ്പിച്ച് സ്വർണ കടത്ത് നാലു സ്ത്രീകൾ കരിപ്പൂരിൽ പിടിയിൽ
കരിപ്പൂർ: നാലു സ്ത്രീകളടക്കം ആറു പേരിൽ നിന്നായി കോഴിക്കോട് വിമാനത്താവളത്തിൽ നിന്നും 4.82 കിലോ സ്വർണം പിടികൂടി. ശരീരത്തിലും, ഹെയർ ബാന്റിലും, ഷൂസിലും, അടിവസ്ത്രത്തിലും ഒളിപ്പിച്ച നിലയിലാണ് സ്വർണം കടത്തിയത്.
അഞ്ചു വ്യത്യസ്ത കേസുകളിലായാണ് ഇത്രയും സ്വർണ എയർ കസ്റ്റംസ് ഇന്റലിജൻസ് പിടികൂടിയത്. 1019 ഗ്രാം സ്വർണ മിശ്രിതമാണ് അബുദാബിയിൽ നിന്നുമെത്തിയ കോഴിക്കോട് സ്വദേശിനിയുടെ അടിവസ്ത്രത്തിൽ നിന്നും കണ്ടെത്തിയത്. ഷാർജയിൽ നിന്നെത്തിയ മറ്റ് രണ്ട് സ്ത്രീകളേയും കസ്റ്റ്ംസ് പിടികൂടി. ഹെയർബാന്റിലും അടിവസ്ത്രത്തിലും ഒളിപ്പിച്ച 96.47 ലക്ഷം രൂപയുടെ സ്വർണമിശ്രിതമാണ് ഇവരിൽ നിന്നും പിടികൂടിയത്. ഷാർജയിൽ നിന്നെത്തിയ കോഴിക്കോട് സ്വദേശിനിയായ മറ്റൊരു യുവതിയിൽ നിന്നും 32.49 ലക്ഷം രൂപ വിലമതിക്കുന്ന സ്വർണാഭരണം പിടികൂടിയിരുന്നു.
ശരീരത്തിൽ ഒളിപ്പിച്ച് സ്വർണമിശ്രിതം കടത്തിയ ജിദ്ദയിൽ നിന്നെത്തിയ രണ്ടു മലപ്പുറം, കോഴിക്കോട് സ്വദേശികളായ യുവാക്കളേയും പിടികൂടിയിരുന്നു. പിടികൂടിയ ആകെ സ്വർണത്തിന്റെ മൂല്യം നാലു കോടി രൂപയ്ക്ക് അടുത്താണ്.
മഞ്ഞപ്പിത്തം ബാധിച്ച് ജില്ലയിൽ പതിനാലാമത്തെ മരണം
RECENT NEWS
ഡിഗ്രി വിദ്യാഭ്യാസം പാതിവഴിയിൽ മുടങ്ങിയ സ്ത്രീകൾക്ക് തുടർ പഠനത്തിന് അവസരമൊരുക്കി മഞ്ഞളാംകുഴി അലി
മലപ്പുറം: ഡിഗ്രി വിദ്യാഭ്യാസം പാതിയിലുപേക്ഷിക്കേണ്ടി വന്ന മങ്കട മണ്ഡലത്തിലെ വനിതകള്ക്ക് അവരുടെ സ്വപ്നം സാക്ഷാല്ക്കരിക്കുന്നതിന് അവസരമൊരുങ്ങുന്നു. മഞ്ഞളാംകുഴി അലി എം.എല്.എയുടെ നേതൃത്വത്തില് രാമപുരത്തെ ജെംസ് ആര്ട്സ് ആന്റ് സയന്സ് കോളേജിന്റെ [...]
