മലദ്വാരത്തില് ഒളിപ്പിച്ച് കൊണ്ടുവന്ന സ്വര്ണം കരിപ്പൂരില് പിടികൂടി
കരിപ്പൂര്: ശരീരത്തിനുള്ളില് ഒളിപ്പിച്ച് കടത്താന് ശ്രമിച്ച ഒന്നേകാല് കോടി രൂപയുടെ സ്വര്ണം കരിപ്പൂര് വിമാനത്താവളത്തില് നിന്നും പിടികൂടി. ജിദ്ദയില് നിന്നെത്തിയ രണ്ടു യാത്രക്കാരില് നിന്നുമാണ് രണ്ടു കിലോയോളം സ്വര്ണം കോഴിക്കോട് കസ്റ്റംസ് പ്രിവന്റീവ് ഡിവിഷന് ഉദ്യോഗസ്ഥര് പിടികൂടിയത്.
എയര് ഇന്ത്യ എക്സ്പ്രസ് വിമാനത്തില് ജിദ്ദയില് നിന്നെത്തിയ മലപ്പുറം സ്വദേശി വടക്കേങ്ങര സയ്യിദില് (24) നിന്നും 1095 ഗ്രാം തൂക്കം വരുന്ന സ്വര്ണ മിശ്രിതം അടങ്ങിയ നാല് ക്യാപ്സ്യൂളുകളാണ് പിടികൂടിയത്. സ്പൈസ് ജെറ്റ് എയര്ലൈന്സ് വിമാനത്തില് ജിദ്ദയില് നിന്നുമെത്തിയ കോഴിക്കോട് മുക്കം സ്വദേശി മുണ്ടയില് ഇര്ഷാദില് (25) നിന്നും 1165 ഗ്രാം തൂക്കം വരുന്ന സ്വര്ണ മിശ്രിതമടങ്ങിയ നാലു ക്യാപ്സ്യൂളുകളും കണ്ടെടുത്തു.
മലപ്പുറം ജില്ലയിലെ വാർത്തകൾ അറിയാൻ ജോയിൻ ചെയ്യൂ
ഡെപ്യൂട്ടി കമ്മിഷണര് ജെ ആനന്ദകുമാറിന്റെ നിര്ദേശത്തെ തുടര്ന്ന് സൂപ്രണ്ട് സലില്, മുഹമ്മദ് റജീബ്, ഇന്സ്പെക്ടര്മാരായ ഹരിസിംഗ് മീണ, വിഷ്ണു അശോകന്, ഹെഡ് ഹവില്ദാര്മാരായ ഇ വി മോഹനന്, സന്തോഷ് കുമാര് എന്നിവരാണ് പ്രതികളെ പിടികൂടിയത്.
RECENT NEWS
പൊന്നാനി മണ്ഡലത്തിൽ എൽ ഡി എ വികസന രേഖ പുറത്തിറക്കി
തിരൂർ : പൊന്നാനി മണ്ഡലത്തിന്റെ സമഗ്ര വികസനം മുന്നോട്ട് വെച്ച് എൻഡിഎ വികസന രേഖ പുറത്തിറക്കി. വിദ്യാഭ്യാസ മേഖലയ്ക്കും, കാർഷിക, തീരദേശ മേഖലകൾക്ക് വികസന രേഖ പ്രത്യേക പരിഗണന നൽകുന്നുണ്ട്. ഗുരുവായൂർ റെയിൽവെ പാത വികസനം, മഴവെള്ള സംഭരണ പദ്ധതികൾ, മാലിന്യ [...]