പ്രായപൂർത്തിയാകും മുന്നേ ഭാര്യ ഗർഭിണി, മലപ്പുറത്ത് ഭർത്താവ് ജയിലിലായി
പെരിന്തൽമണ്ണ: പ്രായപൂർത്തി ആകുന്നതിന് മുമ്പ് ഭാര്യ ഗർഭിണിയായ കേസിൽ ഭർത്താവിനെ റിമാന്റ് ചെയ്ത് കോടതി. കാര്യവട്ടം സ്വദേശിയായ 29കാരനെയാണ് പെരിന്തൽമണ്ണ ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് കോടതി ഈ മാസം 21 വരെ റിമാന്റ് ചെയ്തത്. കഴിഞ്ഞ വർഷമാണ് ഹയർ സെക്കന്ററി വിദ്യാർഥിനിയെ ഇയാൾ സ്വന്തം വീട്ടിലേക്ക് കൂട്ടികൊണ്ടുവന്നത്.
പെൺകുട്ടിക്ക് പ്രായപൂർത്തി ആയതോടെ കഴിഞ്ഞ മാസം എട്ടിന് ഇരുവരും വിവാഹിതരായി. എന്നാൽ ഈ സമയത്ത് പെൺകുട്ടി അഞ്ച് മാസം ഗർഭിണിയായിരുന്നു. പെരിന്തൽമണ്ണ ശിശു വികസന സമിതി ഓഫിസർ കെ റംലത്ത് ഇക്കാര്യം ചൂണ്ടികാട്ടി പോലീസിൽ പരാതി നൽകുകയായിരുന്നു. പെൺകുട്ടിയുടെ മൊഴി രേഖപ്പെടുത്തിയ പോലീസ് ഭർത്താവിനെതിരെ കേസെടുത്തു. ഈ മാസം ഏഴിന് സ്റ്റേഷനിൽ ഹാജരായ ഭർത്താവിനെ അറസ്റ്റ് ചെയ്ത് കോടതിയിൽ ഹാജരാക്കുകയായിരുന്നു.
RECENT NEWS
ലോക്‌സഭാ തിരഞ്ഞെടുപ്പ്: ജില്ലയില്‍ ഒരുക്കങ്ങള്‍ പൂര്‍ത്തിയായി- ജില്ലാ കളക്ടര്‍
16 നിയമസഭാ മണ്ഡലങ്ങളിലായി 33,93,884 വോട്ടര്മാരാണ് ജില്ലയില്‍ ഇത്തവണ വോട്ട് രേഖപ്പെടുത്തുന്നത്. ഇതില് 16,96,709 പേര് പുരുഷന്മാരും 16,97,132 പേര് സ്ത്രീകളും 43 പേര് ട്രാന്സ്ജെന്ഡേഴ്സുമാണ്.
