മലപ്പുറത്തെ അൻഷിദിന്റെ ബാക്ക്ഹീൽ ഗോൾ ഏറ്റെടുത്ത് ഐ എസ് എല്ലും; അഭിനന്ദനവുമായി പ്രമുഖർ
![മലപ്പുറത്തെ അൻഷിദിന്റെ ബാക്ക്ഹീൽ ഗോൾ ഏറ്റെടുത്ത് ഐ എസ് എല്ലും; അഭിനന്ദനവുമായി പ്രമുഖർ](https://cdn.statically.io/img/malappuramlife.com/wp-content/uploads/2023/02/ANSHID.jpg)
അരീക്കോട്: കുനിയിൽ അൽ അൻവാർ യു.പി സ്കൂളിലെ ആറാം ക്ലാസ് വിദ്യാർഥി കെ.കെ. അൻഷിദിന്റെ ബാക്ക് ഹീൽ ഗോൾ തങ്ങളുടെ ഔദ്യോഗിക സാമൂഹ്യ മാധ്യമ അക്കൗണ്ടിൽ പങ്കുവെച്ച് ഇന്ത്യൻ സൂപ്പർ ലീഗ്. പാണ്ടിക്കാട് ചെമ്പ്രശ്ശേരിയിൽ നടന്ന അണ്ടർ 12 ടൂർണമെന്റിലാണ് പലരേയും ആരാധകരാക്കിയ വൈറൽ ഗോൾ പിറന്നത്. പല പ്രമുഖരും അൻഷിദിന്റെ ഗോൾ പങ്കുവെച്ചിരുന്നു.
ആളൂരിലെ തോല്പിച്ച മലപ്പുറത്തുകാരി വക്കീല് ഇപ്പോള് പോക്സോ കേസ് പ്രതിക്കു വാങ്ങിച്ചു നല്കിയത് 64 വര്ഷം തടവും 1,70,000 രൂപ പിഴയും
ഗോൾ കീപ്പറെ മറികടന്ന് പന്ത് വലയിലെത്തുന്ന ദൃശ്യം പരിശീലകൻ ഇംദാദ് കോട്ടപ്പറമ്പനാണ് പകർത്തി സാമൂഹ്യ മാധ്യമത്തിൽ പങ്കുവെച്ചത്. തുടർന്ന് ദൃശ്യങ്ങൾ വൈറൽ ആവുകയായിരുന്നു. ‘പന്ത് വരുന്നത് കീപ്പർ കണ്ടില്ല’ എന്ന അടിക്കുറിപ്പോടെയാണ് വീഡിയോ ഐ എസ് എൽ ഔദ്യോഗിക അക്കൗണ്ടുകൾ പങ്കുവെച്ചത്.
നിമിഷങ്ങൾക്കകം വീഡിയോ അവിടെയും വൈറൽ ആവുകയായിരുന്നു. അൻഷിദിന് അനുമോദനവുമായി നിരവധി കമന്റുകളാണ് വീഡിയോയ്ക്ക് താഴെ വരുന്നത്. കാവനൂർ കാസ്കോ ക്ലബ് താരമായ അൻഷിദിന്റെ ഇരട്ടഗോൾ മികവിൽ മമ്പാട് റെയിൻബോ ഫുട്ബോൾ അക്കാദമിയെ പരാജയപ്പെടുത്തുകയായിരുന്നു.
കന്നിടംകുഴിയിൽ അബ്ദുൽ അസീസ്-കെ. അസ്മാബി ദമ്പതികളുടെ മകനാണ്. ഒരു വർഷമായി കാസ്കോ ക്ലബ് അക്കാദമിയിൽ പരിശീലനം നേടുകയാണ്. കോച്ച് അനസാണ് അൻഷിദിലെ പ്രതിഭയെ കണ്ടെത്തിയത്.
RECENT NEWS
![](https://malappuramlife.com/wp-content/uploads/2024/07/Manjalamkuzhi-Ali.jpg)
ഡിഗ്രി വിദ്യാഭ്യാസം പാതിവഴിയിൽ മുടങ്ങിയ സ്ത്രീകൾക്ക് തുടർ പഠനത്തിന് അവസരമൊരുക്കി മഞ്ഞളാംകുഴി അലി
മലപ്പുറം: ഡിഗ്രി വിദ്യാഭ്യാസം പാതിയിലുപേക്ഷിക്കേണ്ടി വന്ന മങ്കട മണ്ഡലത്തിലെ വനിതകള്ക്ക് അവരുടെ സ്വപ്നം സാക്ഷാല്ക്കരിക്കുന്നതിന് അവസരമൊരുങ്ങുന്നു. മഞ്ഞളാംകുഴി അലി എം.എല്.എയുടെ നേതൃത്വത്തില് രാമപുരത്തെ ജെംസ് ആര്ട്സ് ആന്റ് സയന്സ് കോളേജിന്റെ [...]