മുഹമ്മദ് അദ്നാന് അനഘയായി മാറി. ഇല്ലാത്ത യുവതിയുടെ പേരില് വാട്സ്ആപ്പ് ചാറ്റ് ചെയ്ത് ലക്ഷങ്ങള് തട്ടിയ യുവാവ് പിടിയില്
![മുഹമ്മദ് അദ്നാന് അനഘയായി മാറി. ഇല്ലാത്ത യുവതിയുടെ പേരില് വാട്സ്ആപ്പ് ചാറ്റ് ചെയ്ത് ലക്ഷങ്ങള് തട്ടിയ യുവാവ് പിടിയില്](https://cdn.statically.io/img/malappuramlife.com/wp-content/uploads/2023/01/chatt-1.jpg)
മലപ്പുറം: മുഹമ്മദ് അദ്നാന് വാട്സ്ആപ്പില് അനഘയായി മാറി. തന്റെ ഫോട്ടോയാണെന്ന് പറഞ്ഞ് ഒരു സ്ത്രീയുടെ ഫോട്ടോ അയച്ചു നല്കി. വാട്സാപ്പിലൂടെ പരിചയപ്പെട്ടപ്പോള് തന്നെ വിവാഹമോചിതയായ സ്ത്രീയാണെന്ന് പറഞ്ഞു വിശ്വസിപ്പിച്ച് അരിയല്ലൂര് സ്വദേശിയായ യുവാവിനോട് പ്രണയം നടിച്ച് 3 ലക്ഷം രൂപയോളം തട്ടിയെടുത്ത പെരിന്തല്മണ്ണ സ്വദേശിയായ യുവാവിനെ പരപ്പനങ്ങാടി പോലീസ് അറസ്റ്റ് ചെയ്തു. ഏഴു മാസങ്ങള്ക്കു മുമ്പാണ് അരിയല്ലൂര് സ്വദേശി അനഘ എന്ന് പേരുള്ള പെണ്കുട്ടിയാണെന്നും അവരുടെ അമ്മ അസുഖബാധിതയാണെന്നും പറഞ്ഞ് വിശ്വസിപ്പിച്ചു കൊണ്ടാണ് പൈസ തട്ടിയെടുത്തത്. മുഹമ്മദ് അദ്നാന് എന്ന പേരുള്ള യുവാവാണ് തട്ടിപ്പ് നടത്തിയത്. ഒരേസമയം അനഘ എന്ന പെണ്കുട്ടിയായും പെണ്കുട്ടിയുടെ അടുത്ത സുഹൃത്തായ മുഹമ്മദ് അദ്നാന് എന്നിങ്ങനെ രണ്ടു റോളുകളാണ് പ്രതി കൈകാര്യം ചെയ്തിരുന്നത്. പെണ്കുട്ടി ഒരിക്കലും നോര്മല് കോള് വിളിക്കുകയോ വോയ്സ് ചാറ്റ് ചെയ്യുകയോ ചെയ്തിട്ടില്ല.അനഘയാണെന്ന് പറഞ്ഞു വിശ്വസിപ്പിക്കുന്നതിനായി സോഷ്യല് മീഡിയയില് നിന്നും ഡൗണ്ലോഡ് ചെയ്ത ഒരു പെണ്കുട്ടിയുടെ ഫോട്ടോ ഇയാള് പരാതിക്കാരന് അയച്ചു നല്കുകയായിരുന്നു.
പ്രണയമായി മാറിയ യുവാവ് ഈ കുട്ടിയെ വിവാഹം കഴിക്കുന്നതിനും നേരിട്ട് ഒന്ന് കാണുന്നതിനുമായി എട്ടു തവണയോളം പെരിന്തല്മണ്ണ പോകുകയുണ്ടായി. വിവാഹം കഴിക്കാന് പോകുന്ന ഈ സ്ത്രീയെ കാണുന്നതിനായി ഇയാളുടെ സഹോദരിമാരെ വരെ പെരിന്തല്മണ്ണയിലേക്ക് കൊണ്ടുപോയിരുന്നു. തുടര്ന്നാണ് ചതിയില് പെട്ടോ എന്നുള്ള സംശയത്തിന്റെ പേരില് മലപ്പുറം ജില്ലാ പോലീസ് മേധാവി സുജിത്ത് ദാസ് ഐ പി എസിനു പരാതി നല്കിയത്. തുടര്ന്ന് നടത്തിയ അന്വേഷണത്തില് പെരിന്തല്മണ്ണ സ്വദേശിയാണ് എന്ന് മനസ്സിലാവുകയും
പരപ്പനങ്ങാടി ഇന്സ്പെക്ടര് ജിനേഷ് കെ ജെയുടെ നേതൃത്വത്തില് പരപ്പനങ്ങാടി സബ് ഇന്സ്പെക്ടര് അജീഷ് കെ ജോണ്, ജയദേവന് സിവില് പോലീസ് ഓഫീസര് ആയ മുജീബ്, വിബീഷ്, രഞ്ജിത്ത് എന്നിവരും ചേര്ന്നാണു പ്രതിയെ പിടികൂടിയത്. ഇയാളുടെ ഫോണ് പരിശോധിച്ചതില് സമാനമായ കേസുകള് പലയിടങ്ങളില് ചെയ്തതായും ബോധ്യപ്പെട്ടിട്ടുള്ളതിനാല് ഇനിയും പരാതികള് വരാന് സാധ്യത ഉണ്ടെന്നു പോലീസ് അറിയിച്ചു
RECENT NEWS
![](https://malappuramlife.com/wp-content/uploads/2024/07/Manjalamkuzhi-Ali.jpg)
ഡിഗ്രി വിദ്യാഭ്യാസം പാതിവഴിയിൽ മുടങ്ങിയ സ്ത്രീകൾക്ക് തുടർ പഠനത്തിന് അവസരമൊരുക്കി മഞ്ഞളാംകുഴി അലി
മലപ്പുറം: ഡിഗ്രി വിദ്യാഭ്യാസം പാതിയിലുപേക്ഷിക്കേണ്ടി വന്ന മങ്കട മണ്ഡലത്തിലെ വനിതകള്ക്ക് അവരുടെ സ്വപ്നം സാക്ഷാല്ക്കരിക്കുന്നതിന് അവസരമൊരുങ്ങുന്നു. മഞ്ഞളാംകുഴി അലി എം.എല്.എയുടെ നേതൃത്വത്തില് രാമപുരത്തെ ജെംസ് ആര്ട്സ് ആന്റ് സയന്സ് കോളേജിന്റെ [...]