യുവതിയെ പീഡിപ്പിച്ച കേസിൽ ഭർതൃസഹോദരിയുടെ ഭർത്താവ് അറസ്റ്റിൽ
ചങ്ങരംകുളം: ഭിന്നശേഷിയുള്ള യുവതിയെ പീഡിപ്പിച്ച കേസിൽ ഭർതൃസഹോദരിയുടെ ഭർത്താവ് അറസ്റ്റിൽ . ചങ്ങരംകുളം സ്വദേശിയായ പ്രതിയെ വിദേശത്ത് നിന്ന് കോഴിക്കോട് വിമാനത്താവളത്തിലിറങ്ങിയപ്പോഴാണ് അറസ്റ്റ് ചെയ്തത്. ഇയാൾക്കായി പൊലീസ് ലുക്കൗട്ട് നോട്ടീസ് പുറത്തിറക്കിയിരുന്നു.സംഭവത്തിൽ യുവതിയുടെ ഭർത്താവും ഇയാളുടെ സഹോദരിയും നേരത്തെ അറസ്റ്റിലായിരുന്നു. പീഡനത്തിന് ഇവർ ഒത്താശ ചെയ്തെന്നാണ് പരാതി. 2020ൽ ആണ് കേസിനാസ്പദമായ സംഭവം. മാനസിക വെല്ലുവിളി നേരിടുന്ന പെൺകുട്ടിയെ വിവാഹം ചെയ്ത് ഗൾഫിലെത്തിച്ച ശേഷം പീഡിപ്പിച്ചെന്നായിരുന്നു ആരോപണം. ചങ്ങരംകുളം സി.ഐ ബഷീർ ചിറക്കലിന്റെ നേതൃത്വത്തിൽ എസ്.ഐ ബാബു ജോർജ്ജ്, സീനിയർ സി.പി.ഒ ഷിജു, സനോജ്, കപിൽ എന്നിവർ ചേർന്ന് പ്രതിയെ പിടികൂടിയത്. പിടിയിലായ പ്രതിയെ പൊന്നാനി ജുഡീഷ്യൽ മജിസ്‌ട്രേറ്റ് കോടതിയിൽ ഹാജരാക്കി റിമാൻഡ്ചെയ്തു.
RECENT NEWS
ഡിഗ്രി വിദ്യാഭ്യാസം പാതിവഴിയിൽ മുടങ്ങിയ സ്ത്രീകൾക്ക് തുടർ പഠനത്തിന് അവസരമൊരുക്കി മഞ്ഞളാംകുഴി അലി
മലപ്പുറം: ഡിഗ്രി വിദ്യാഭ്യാസം പാതിയിലുപേക്ഷിക്കേണ്ടി വന്ന മങ്കട മണ്ഡലത്തിലെ വനിതകള്ക്ക് അവരുടെ സ്വപ്നം സാക്ഷാല്ക്കരിക്കുന്നതിന് അവസരമൊരുങ്ങുന്നു. മഞ്ഞളാംകുഴി അലി എം.എല്.എയുടെ നേതൃത്വത്തില് രാമപുരത്തെ ജെംസ് ആര്ട്സ് ആന്റ് സയന്സ് കോളേജിന്റെ [...]
