മയക്കു മരുന്നു സഹിതം യുവാവ് അറസ്റ്റില്‍
മഞ്ചേരി : മാരക മയക്കുമരുന്നായ എംഡിഎംഎയുമായി യുവാവിനെ മഞ്ചേരി അഡീഷണല്‍ എസ് ഐ വി സി കൃഷ്ണനും സംഘവും അറസ്റ്റ് ചെയ്തു. പാണ്ടിക്കാട് വെട്ടിക്കാട്ടിരി ഒറവമ്പ്രം കുന്നുമ്മല്‍ ഷഹനുല്‍ ഫര്‍ഷാദിനെ (28)നെയാണ് ചില്ലറ വിപണിയില്‍ അരലക്ഷം രൂപ വില വരുന്ന പത്തു ഗ്രാം എം ഡി എം എയുമായി പിടികൂടിയത്. പൊലീസിനെ കണ്ട് കാറില്‍ രക്ഷപ്പെടാന്‍ ശ്രമിച്ച പ്രതിയെ ജില്ലാ ആന്റി നര്‍ക്കോട്ടിക് ടീമിന്റെ സഹായത്തോടെ പത്തു കിലോമീറ്ററോളം പിന്തുടര്‍ന്നാണ് വാഹനം സഹിതം പിടികൂടിയത്. മഞ്ചേരി, പയ്യനാട്, കുട്ടിപ്പാറ, നെല്ലിക്കുത്ത് ഭാഗങ്ങളില്‍ വിദ്യാര്‍ത്ഥികള്‍ക്കും യുവാക്കള്‍ക്കും മയക്കുമരുന്നു വിതരണം ചെയ്യുന്ന സംഘങ്ങളുണ്ടെന്ന രഹസ്യ വിവരം ജില്ലാ പൊലീസ് മേധാവി എസ് സുജിത് ദാസിന് നേരത്തെ ലഭിച്ചിരുന്നു. എഎസ്‌ഐ സത്യന്‍, കൃഷ്ണദാസ്, തസ്‌ലീം, ജില്ലാ ആന്റി നര്‍ക്കോട്ടിക് ടീം അംഗങ്ങളായ ഐ കെ ദിനേഷ്, ആര്‍ ഷഹേഷ്, കെ കെ ജസീര്‍, കെ സിറാജുദ്ദീന്‍ എന്നിവര്‍ റെയ്ഡിന് നേതൃത്വം നല്‍കി. കോടതിയില്‍ ഹാജരാക്കിയ പ്രതിയെ 14 ദിവസത്തേക്ക് റിമാന്റ് ചെയ്തു.
RECENT NEWS
ഡിഗ്രി വിദ്യാഭ്യാസം പാതിവഴിയിൽ മുടങ്ങിയ സ്ത്രീകൾക്ക് തുടർ പഠനത്തിന് അവസരമൊരുക്കി മഞ്ഞളാംകുഴി അലി
മലപ്പുറം: ഡിഗ്രി വിദ്യാഭ്യാസം പാതിയിലുപേക്ഷിക്കേണ്ടി വന്ന മങ്കട മണ്ഡലത്തിലെ വനിതകള്ക്ക് അവരുടെ സ്വപ്നം സാക്ഷാല്ക്കരിക്കുന്നതിന് അവസരമൊരുങ്ങുന്നു. മഞ്ഞളാംകുഴി അലി എം.എല്.എയുടെ നേതൃത്വത്തില് രാമപുരത്തെ ജെംസ് ആര്ട്സ് ആന്റ് സയന്സ് കോളേജിന്റെ [...]
