ഒന്നേമുക്കാല് കോടിയുടെ അനധികൃത സിഗററ്റ് ഇടപാട് പോലീസ് പിടികൂടി
മലപ്പുറം: ഒന്നേമുക്കാല് കോടിയുടെ അനധികൃത സിഗററ്റ് ഇടപാട് പോലീസ് പിടികൂടി. മാര്ക്കറ്റില് പാക്കറ്റിന് 70 രൂപ വിലയുള്ള സര്ക്കാര് അനുമതിയുള്ള സിഗററ്റിന് സമാനമായ സിഗററ്റ് വില്പ നടത്തുന്നത് വെറും 20-25 രൂപക്ക്്. മലപ്പുറം ജില്ലാ പോലീസ് മേധാവിക്ക് ലഭിച്ച രഹസ്യ സന്ദേശത്തെ തുടര്ന്ന് ഇന്നു പുലര്ച്ചെ മമ്പാട് പുള്ളിപ്പാടം കറുകമണ്ണ പൂളക്കപ്പൊയില് താമസിക്കുന്ന പള്ളിപ്പറമ്പില് അസ്ക്കറിന്റെ(37) വീട്ടില് നിലമ്പൂര് പോലീസ് നടത്തിയ പരിശോധനയിലാണ് വിവിധ പേരുകളിലുള്ള മൂന്നര ലക്ഷം സിഗററ്റ് പാക്കറ്റുകള് അടങ്ങിയ ശേഖരം പിടികൂടിയത്. അനധികൃത സിഗററ്റ് ഇടപാടിലൂടെ സര്ക്കാരിന് ലക്ഷങ്ങളുടെ നികുതി നഷ്ടമാണ് ദിനേന ഉണ്ടാവുന്നത്. രഹസ്യമായി യാതൊരു നികുതിയും അടക്കാതെ കടത്തികൊണ്ട് വന്ന് വീട്ടില് ശേഖരിച്ച് വിവിധ മാര്ക്കറ്റ് കളിലൂടെ വില്പ്പന നടത്തുകയാണ് ഇവരുടെ രീതി. മാര്ക്കറ്റില് ഒരു പാക്കറ്റിന് 70 രൂപ വിലയുള്ള സര്ക്കാര് അനുമതിയുള്ള സിഗററ്റ് ന് സമാനമായ സിഗററ്റ് വെറും 20-25 രൂപക്കാണ് പാക്കറ്റ് ഒന്നിന് സംഘം ചില്ലറ വില്പ്പന നടത്തിയിരുന്നത്.
പ്രതിയുടെ ഉടമസ്ഥതയിലുള്ള ടിപ്പര് ലോറിയില് എടവണ്ണയില് നിന്നും പതിവായി എം. സാന്ഡ് കയറ്റി നിലഗിരി ജില്ലയിലെ വിവിധ സ്ഥലങ്ങളില് ഇറക്കി മടങ്ങിവരും വഴിയാണ് ഇത്തരത്തില് സിഗററ്റ് ഉല്പ്പന്നങ്ങള് ഗൂഡല്ലൂരില് നിന്നും രഹസ്യമായി ചെക്ക് പോസ്റ്റ് ഉദ്യോഗസ്ഥരുടെ കണ്ണ് വെട്ടിച്ച് കടത്തി കൊണ്ട് വന്നിരുന്നത്. ധാരാളം ക്രഷര് ഉല്പ്പന്നങ്ങള് കയറ്റി ടിപ്പര് ലോറികള് പതിവായി വഴിക്കടവ് ചുരം വഴി കേരളത്തില് നിന്നും തമിഴ് നാട്ടിലേക്ക് സര്വ്വീസ് നടത്തുന്നത് പതിവാണ് . മടക്കത്തില് കാലി എന്നും എംറ്റി എന്നും പറഞ്ഞ് ചെക്ക് പോസ്റ്റ് വഴി കടന്നുപോകുന്നതും പതിവാണ്. ഈ അവസരമാണ് പ്രതി സിഗററ്റ് കടത്തിന് തന്ത്ര പരമായി ഉപയോഗപ്പെടുത്തിയത്.
സിഗററ്റ് ഉല്പ്പന്നങ്ങള്ക്ക് ഭാരം കുറവായത് കാരണം മടക്ക വണ്ടികളില് ഇത്തരം കടത്ത് ഉദ്യോഗസ്ഥരുടെ ശ്രദ്ധയിലും ഒറ്റ നോട്ടത്തില് പെടാറില്ല. പിടിച്ചെടുത്ത സിഗററ്റ് ഉല്പ്പന്നങ്ങള് നിലമ്പൂര് പോലീസ് നടപടികള്ക്ക് ശേഷം നിലമ്പൂര് കോടതിക്ക് കൈമാറും. മേല് നടപടിക്കായി വിവരം ജി.എസ്.ടി വിഭാഗത്തേയും മറ്റ് നികുതി വകുപ്പിനേയും പോലീസ് അറിയിച്ചിട്ടുണ്ട്. നികുതി വകുപ്പും നടപടികള് സ്വീകരിക്കും.
നിലമ്പൂര് എസ്.ഐ വിജയ രാജന് , ഡാന്സാഫ് ടീമിലെ എസ് ഐ എം. അസ്സൈനാര് , എസ്.സി.പി.ഒ: എന്.പി. സുനില് , അഭിലാഷ് കൈപ്പിനി , നിബിന് ദാസ് .ടി, ആസിഫലി .കെ.ടി, ജിയോ ജേക്കബ് , ഷിജു , എ എസ് ഐ റെനി ഫിലിപ്പ് , സി.പി.ഒ വിവേക് എന്നിവരുടെ നേതൃത്വത്തിലാണ് പരിശോധന നടത്തി ഉല്പ്പന്നങ്ങള് പിടികൂടിയത്
RECENT NEWS
കരിപ്പൂരിൽ സ്വർണം തട്ടിയെടുക്കാനെത്തിയ സംഘത്തെ പോലീസ് പിടികൂടി
കരിപ്പൂർ: 56 ലക്ഷം രൂപയുടെ സ്വര്ണ്ണം കടത്തിയ യാത്രക്കാരനും, ഇയാളുടെ അറിവോടെ കടത്ത് സ്വര്ണ്ണം കവര്ച്ച ചെയ്യാന് കരിപ്പൂര് എയര്പോര്ട്ടിലെത്തിയ ആറുപേരടങ്ങിയ കവര്ച്ചാസംഘവും അറസ്റ്റിലായി. ഖത്തറില് നിന്നും 30.04.24 തിയതി [...]