ബൈക്കപകടത്തില് മരിച്ച മലപ്പുറത്തെ യുവാവിന്റെ കുടുംബത്തിന് 46.54 ലക്ഷം രൂപ നഷ്ടപരിഹാരം
മഞ്ചേരി: വാഹന അപകടത്തില് മരിച്ച ബൈക്ക് യാത്രികന്റെ കുടുംബത്തിന് 46,54,800 രൂപ നഷ്ടപരിഹാരം നല്കാന് മഞ്ചേരി മോട്ടോര് ആക്സിഡണ്ട് ക്ലൈം ട്രിബ്യൂണല് ജഡ്ജി പി എസ് ബിനു വിധിച്ചു. മലപ്പുറം എടയൂര് അധികാരിപ്പടി നേന്ത്രത്തൊടി സൈതലവിയുടെ മകന് മുഹമ്മദ് ഇര്ഫാന് (22) ആണ് മരിച്ചത്. 2019 ജൂണ് അഞ്ചിന് രാവിലെ 10.15നായിരുന്നു അപകടം. വര്ക് ഷോപ്പ് മെക്കാനിക് ആയ മുഹമ്മദ് ഇര്ഫാന് സുഹൃത്തിനോടൊപ്പം പെരിന്തല്മണ്ണയില് നിന്നും വളാഞ്ചേരിയിലേക്ക് പോകവെ കമ്മാട്ടിക്കുളത്തു വെച്ച് ഇവര് സഞ്ചരിച്ച ബൈക്കില് എതിരെ വന്ന കാര് ഇടിക്കുകയായിരുന്നു. ഉടന് പെരിന്തല്മണ്ണ എം ഇ എസ് മെഡിക്കല് കോളേജ് ആശുപത്രിയില് പ്രവേശിച്ചുവെങ്കിലും രക്ഷിക്കാനായില്ല. എട്ടു ശതമാനം പലിശയും കോടതിചെലവുമടക്കമുള്ള തുക ന്യൂ ഇന്ത്യ ഇന്ഷൂറന്സ് കമ്പനി മലപ്പുറം ശാഖയാണ് നല്കേണ്ടത്.
RECENT NEWS
ഡിഗ്രി വിദ്യാഭ്യാസം പാതിവഴിയിൽ മുടങ്ങിയ സ്ത്രീകൾക്ക് തുടർ പഠനത്തിന് അവസരമൊരുക്കി മഞ്ഞളാംകുഴി അലി
മലപ്പുറം: ഡിഗ്രി വിദ്യാഭ്യാസം പാതിയിലുപേക്ഷിക്കേണ്ടി വന്ന മങ്കട മണ്ഡലത്തിലെ വനിതകള്ക്ക് അവരുടെ സ്വപ്നം സാക്ഷാല്ക്കരിക്കുന്നതിന് അവസരമൊരുങ്ങുന്നു. മഞ്ഞളാംകുഴി അലി എം.എല്.എയുടെ നേതൃത്വത്തില് രാമപുരത്തെ ജെംസ് ആര്ട്സ് ആന്റ് സയന്സ് കോളേജിന്റെ [...]