മലപ്പുറത്തുനിന്നും ഓട്ടോറിക്ഷയില് ലഡാഖിലേക്ക് യാത്ര തിരിച്ച് മലപ്പുറത്തെ 4സുഹൃത്തുക്കള്
![മലപ്പുറത്തുനിന്നും ഓട്ടോറിക്ഷയില് ലഡാഖിലേക്ക് യാത്ര തിരിച്ച് മലപ്പുറത്തെ 4സുഹൃത്തുക്കള്](https://cdn.statically.io/img/malappuramlife.com/wp-content/uploads/2022/09/auto.jpg)
മലപ്പുറം: മലപ്പുറത്തുനിന്നും ഓട്ടോറിക്ഷയില് ലഡാഖിലേക്ക് യാത്ര തിരിച്ച് നാലു സുഹൃത്തുക്കള്.
മലപ്പുറം വളാഞ്ചേരിയില് നിന്നാണ് ഓട്ടോ- ടാക്സി ഡ്രൈവര്മാരായ ഇവരുടെ യാത്ര ആരംഭിച്ചത്. വളാഞ്ചേരി സ്വദേശികളായ ജിജേഷ്, പ്രമോദ്, കാവുംപുറം സ്വദേശികളായ റെനീഷ്, ജാസില് എന്നിവരാണ് ലഡാക്കിലേക്ക് ഈ വേറിട്ട യാത്ര നടത്തുന്നത്. വളാഞ്ചേരി കൊട്ടാരത്ത് നിന്നാണ് ഇവര് കഴിഞ്ഞ ദിവസം യാത്ര ആരംഭിച്ചത്. കാര് ഉള്പ്പടെയുള്ള മറ്റു വാഹനങ്ങള് ഇവര്ക്ക് ഉണ്ടെങ്കിലും ഓട്ടോറിക്ഷയുമായുള്ള ഈ യാത്ര ഏറെ കാലത്തെ ആഗ്രഹമാണെന്ന് യാത്ര പുറപ്പെട്ട നാലംഗസംഘം പറയുന്നു. രണ്ടരവര്ഷമായി മനസില് കരുതിവെച്ച യാത്രയുടെ സഫലീകരണത്തിനാണ് കഴിഞ്ഞ ദിവസം ഇവര് തുടക്കം കുറിച്ചത്. നാല് പേരും ഓട്ടോ- ടാക്സി ഡ്രൈവര്മാരാണ്.
ലളിതമായി എങ്ങനെ യാത്ര പോകാമെന്ന ചിന്തയാണ് ഓട്ടോറിക്ഷയിലെത്തിച്ചത്. പോകുന്ന വഴിയില് സ്വയം ഭക്ഷണം പാകം ചെയ്ത് കഴിക്കാനുള്ള സൗകര്യങ്ങളടക്കം ഓട്ടോയില് സജ്ജമാക്കിയിട്ടുണ്ട്. ഒരു മാസത്തിനുള്ളില് കോഴിക്കോട് കണ്ണൂര്, ഗോവ, മുംബൈ, ഗുജറാത്ത് ഡെല്ഹി, രാജസ്ഥാന് വഴി ലഡാഖിലെത്തിക്ക് എത്താനാണ് ഇവര് ലക്ഷ്യമിടുന്നത്. അതേസമയം, മലപ്പുറം ജില്ലയില് നിന്ന് കാര്, സൈക്കിള്, കാല് നടയായി ഉള്പ്പെടെ നിരവധി സഞ്ചാരികള് ലഡാഖിലേക്ക് പോയിട്ടുണ്ടെങ്കിലും ഇതാദ്യമായിരിക്കും ഒരു സ്വകാര്യ ഓട്ടോറിക്ഷയില് ലഡാഖിലേക്ക് നാലംഗ സംഘം യാത്ര പുറപ്പെടുന്നത്. കാലത്തിനനുസരിച്ച് പഴയ രീതിയിലുള്ള യാത്ര നടത്തി ലക്ഷ്യസ്ഥാനത്തേക്ക് എത്താനുള്ള യാത്രാ രീതികളാണ് ഇപ്പോള് ജില്ലയിലെ സഞ്ചാരികള് നിന്ന് കാണാന് സാധിക്കുന്നത്. അതില് ഉള്പ്പെട്ടതാണ് ഓട്ടോറിക്ഷ, സൈക്കിള് ഉള്പ്പെടെയുള്ള പഴയകാല വാഹനങ്ങളുമായുള്ള ഇത്തരം യാത്രക്കള്. ഒരു സ്വകാര്യ ഓട്ടോറിക്ഷയുമായി നാലംഗ സംഘത്തിന് ലഡാഖ് കയറുമ്പോള് ഏറെ പ്രതിസന്ധികള് മുന്നിലുണ്ടെങ്കിലും വലിയ പ്രതീക്ഷയോടെയാണ് നാലംഗസംഘം വളാഞ്ചേരിയില് യാത്രപുറപ്പെട്ടത്. നാട്ടുകാരും കൂട്ടുകാരും എല്ലാവരും ഇവരുടെ യാത്രയ്ക്ക് പൂര്ണ പിന്തുണയുമായി കൂടെ തന്നെയുണ്ട്. എല്ലാവരുടെയും എല്ലാവിധ സപ്പോര്ട്ടും യാത്ര കഴിഞ്ഞ് തിരിച്ചെത്തുന്നതുവരെ വേണമെന്ന് ഈ നാലംഗ യുവാക്കള് പറയുന്നു.
RECENT NEWS
![](https://malappuramlife.com/wp-content/uploads/2024/07/Manjalamkuzhi-Ali.jpg)
ഡിഗ്രി വിദ്യാഭ്യാസം പാതിവഴിയിൽ മുടങ്ങിയ സ്ത്രീകൾക്ക് തുടർ പഠനത്തിന് അവസരമൊരുക്കി മഞ്ഞളാംകുഴി അലി
മലപ്പുറം: ഡിഗ്രി വിദ്യാഭ്യാസം പാതിയിലുപേക്ഷിക്കേണ്ടി വന്ന മങ്കട മണ്ഡലത്തിലെ വനിതകള്ക്ക് അവരുടെ സ്വപ്നം സാക്ഷാല്ക്കരിക്കുന്നതിന് അവസരമൊരുങ്ങുന്നു. മഞ്ഞളാംകുഴി അലി എം.എല്.എയുടെ നേതൃത്വത്തില് രാമപുരത്തെ ജെംസ് ആര്ട്സ് ആന്റ് സയന്സ് കോളേജിന്റെ [...]