അധ്യാപക ജോലി വാഗ്ദാനം ചെയ്ത് പണം തട്ടിപ്പ് നടത്തുന്ന വീരന് പിടിയില്
![അധ്യാപക ജോലി വാഗ്ദാനം ചെയ്ത് പണം തട്ടിപ്പ് നടത്തുന്ന വീരന് പിടിയില്](https://cdn.statically.io/img/malappuramlife.com/wp-content/uploads/2022/08/case-1.jpg)
മലപ്പുറം: ഒഴിഞ്ഞ കെട്ടിടങ്ങളോ മദ്രസ്സകളോ വാടകക്കെടുക്കാന് ധാരണയുണ്ടാക്കി സ്കൂളില് അധ്യാപക ജോലി വാഗ്ദാനം ചെയ്ത് ഉദ്യോഗാര്ത്ഥികളില് നിന്ന് പണം തട്ടിപ്പു നടത്തുന്ന വീരന് വഴിക്കടവു പോലീസിന്റെ പിടിയിലായി. അണ് എയ്ഡഡ് മേഖലയില് വിവിധ പേരുകളില് പ്രൈമറി-പ്രീ പ്രൈമറി സ്കൂളുകളിലേക്കാണ് ഇയാള് പണം വാങ്ങി അധ്യാപകരെ റിക്രൂട്ട് ചെയ്തിരുന്നത്. ഒഴിഞ്ഞ കെട്ടിടങ്ങളോ മദ്രസ്സകളോ വാടകക്കെടുക്കാന് ധാരണയുണ്ടാക്കി, അവിടെ സ്കൂള് സംബന്ധിയായ ഫ്ലക്സ് ബോര്ഡുകള് സ്ഥാപിക്കുകയും സോഷ്യല് മീഡിയയില് അധ്യാപകരെ ആവശ്യമുണ്ടെന്ന വാര്ത്ത പ്രചരിപ്പിക്കുകയും ചെയ്താണ് ഇയാള് ഉദ്യോഗാര്ത്ഥികളെ വലയിലാക്കുന്നത്. കൂടുതലായും സ്ത്രീകളാണ് ഇയാളുടെ തട്ടിപ്പിന് ഇരയായിട്ടുള്ളത്. പ്രതി കണ്ണൂര് തലശ്ശേരി പാനൂര് പൂക്കം അല്അക്സ മുണ്ടോള്ത്തില് നൗഫല് എന്ന നൗഫല് ഹമീദിനെ(48)യാണ്
വഴിക്കടവ് സി.ഐ മനോജ് പറയറ്റയുടെ നേതൃത്വത്തിലുള്ള പോലീസ് അറസ്റ്റു ചെയ്തത്. വഴിക്കടവ് പുന്നക്കല് എന്ന സ്ഥലത്ത് ഒലിവ് പബ്ലിക് സ്കൂള് എന്ന പേരില് സ്വകാര്യം വിദ്യാഭ്യാസ സ്ഥാപനം ആരംഭിക്കും എന്ന് പറഞ്ഞ് മരുത സ്വദേശിനിയായ പരാതിക്കാരിയില് നിന്ന് 35000 രൂപ തട്ടിപ്പു നടത്തിയതിനാണ് പോലീസ് കേസ് രജിസ്റ്റര് ചെയ്ത് പ്രതിയെ പിടികൂടിയത്.
പ്രതി അറസ്റ്റിലായ വിവരമറിഞ്ഞ് 50000 രൂപയുടെ തട്ടിപ്പിനിരയായ വഴിക്കടവ് കാരക്കോട് സ്വദേശിനിയായ യുവതിയും 35000 രൂപയുടെ തട്ടിപ്പിനിരയായ വഴിക്കടവ് കമ്പളക്കല്ല് സ്വദേശിനിയായ യുവതിയും പരാതിയുമായി സ്റ്റേഷനില് ഹാജരാവുകയും പോലീസ് എഫ്.ഐ.ആര്. രജിസ്റ്റര് ചെയ്യുകയും ചെയ്തു. ഇപ്രകാരം ജില്ലയിലെ വിവിധ പ്രദേശങ്ങളില് നിന്ന് തട്ടിപ്പിനിരയായ ആളുകള് പോലീസുമായി ബന്ധപ്പെടുന്നുണ്ട്. വരും ദിവസങ്ങളിലും ഇതു സംബന്ധിച്ച കൂടുതല് പരാതികള് ഉന്നയിക്കപ്പെടും എന്നതാണ് പോലീസ് പ്രതീക്ഷിക്കുന്നത്.
പ്രതി വഴിക്കടവ് പുന്നക്കലിലും മമ്പാട് പന്തലിങ്ങലും ഒലിവ് പബ്ലിക് സ്കൂള്, കമ്പളക്കല്ലില് ടാലന്റ് പബ്ലിക് സ്കൂള്, മമ്പാട് ഠാണയില് മോഡേണ് പബ്ലിക് സ്കൂള്, അമരമ്പലം കൂറ്റമ്പാറയില് അല് ഇര്ഷാദ് പബ്ലിക് സ്കൂള്, വണ്ടൂര് ഏറിയാട് സഹ്റ പബ്ലിക് സ്കൂള്, തിരൂരങ്ങാടിയില് ഫജര് പബ്ലിക് സ്കൂള്, മോങ്ങത്ത് ഇസ പബ്ലിക് സ്കൂള് എന്നിവിടങ്ങളിലാണ് പ്രതി സ്കൂളുകള് ആരംഭിച്ച് ആളുകളില് നിന്ന് പണം തട്ടിപ്പു നടത്തിയിട്ടുള്ളത്. 35000 രൂപ മുതല് 1 ലക്ഷം രൂപ വരെ ടിയാന് വിവിധയാളുകളില് നിന്ന് പണം കൈപ്പറ്റിയതായി വിവരം കിട്ടിയിട്ടുണ്ട്. സ്കൂളില് ജോലി വാഗ്ദാനം ചെയ്ത ശേഷം വിദ്യാര്ത്ഥികളെ സ്കൂളില് ചേര്ക്കാന് അധ്യാപകരെത്തന്നെ ഏല്പിക്കുകയും ഫീസ് വാങ്ങി സ്വയം ശമ്പളം എടുത്തോളാന് പറയുകയുമാണ് ഇയാളുടെ രീതി. 20 ല് താഴെ വിദ്യാര്ത്ഥികള് മാത്രമാണ് ഇയാളുടെ മിക്ക സ്കൂളിലും ചേര്ന്നിട്ടുള്ളത്.ഇത്തരം തട്ടിപ്പിനിരയായ ആളുകള് ഉടനെ ബന്ധപ്പെട്ട പോലീസ് സ്റ്റേഷനില് വിവരമറിയിച്ചാല്
കര്ശനമായ നിയമ നടപടികള് സ്വീകരിക്കാന് സാധിക്കുമെന്നും, പരാതിക്കാരുടെ പേരു വിവരങ്ങള് രഹസ്യമായി സൂക്ഷിക്കുമെന്നും പോലീസ് അറിയിച്ചു. വഴിക്കടവ് സി.ഐ മനോജ് പറയറ്റയുടെ നേതൃത്വത്തില്, എസ്.ഐ അജയകുമാര് ടി, എ.എസ്.ഐ മനോജ് കെ, എസ്. സി.പി.ഒ ഷീബ പി.സി, സി.പി.ഒമാരായ അഭിലാഷ് കൈപ്പിനി, നിബിന് ദാസ് ടി, ജിയോ ജേക്കബ്, സി.എം റിയാസലി എന്നിവരടങ്ങിയ സംഘമാണ് പ്രതികളെ അറസ്റ്റു ചെയ്ത് കേസില് തുടരന്വേഷണം നടത്തുന്നത്.
RECENT NEWS
![](https://malappuramlife.com/wp-content/uploads/2024/07/Manjalamkuzhi-Ali.jpg)
ഡിഗ്രി വിദ്യാഭ്യാസം പാതിവഴിയിൽ മുടങ്ങിയ സ്ത്രീകൾക്ക് തുടർ പഠനത്തിന് അവസരമൊരുക്കി മഞ്ഞളാംകുഴി അലി
മലപ്പുറം: ഡിഗ്രി വിദ്യാഭ്യാസം പാതിയിലുപേക്ഷിക്കേണ്ടി വന്ന മങ്കട മണ്ഡലത്തിലെ വനിതകള്ക്ക് അവരുടെ സ്വപ്നം സാക്ഷാല്ക്കരിക്കുന്നതിന് അവസരമൊരുങ്ങുന്നു. മഞ്ഞളാംകുഴി അലി എം.എല്.എയുടെ നേതൃത്വത്തില് രാമപുരത്തെ ജെംസ് ആര്ട്സ് ആന്റ് സയന്സ് കോളേജിന്റെ [...]