മലപ്പുറത്ത് വിദ്യാര്‍ത്ഥികള്‍ക്ക് വില്‍പനക്കായി കൊണ്ടുവന്ന 200പാക്കറ്റ് കഞ്ചാവുമായി രണ്ടുപേര്‍ പിടിയില്‍
മലപ്പുറം: മലപ്പുറത്ത് വിദ്യാര്‍ത്ഥികള്‍ക്ക് വില്‍പനക്കായി കൊണ്ടുവന്ന 200പാക്കറ്റ് കഞ്ചാവുമായി രണ്ടുപേര്‍ പിടിയില്‍.മലപ്പുറം കാവനൂരില്‍ നിന്നും അരീക്കോട് ബസ്റ്റാന്റ് പരിസരത്തു നിന്നുമാണ് പ്രതികളെ ില്ലാ ആന്റി നര്‍ക്കോട്ടിക്ക് സ്‌ക്വോഡും അരീക്കോട് പോലീസും ചേര്‍ന്ന് പിടികൂടിയത്. ഇവരില്‍ നിന്നും കഞ്ചാവ് കടത്താന്‍ ഒരു ഓട്ടോറിക്ഷയുംബൈക്കും പിടികൂടി. പ്രതികള്‍.
പുല്‍പ്പറ്റ കളത്തുംപടി സ്വദേശി പുത്തലവന്‍ അബ്ദുല്‍ മുനീര്‍(34), അരീക്കോട് വെട്ടിപ്പാറ വിളക്കുപറമ്പ് പെരുമുണ്ടയില്‍ സുരേഷ് കുമാര്‍ എന്നിവരെയാണ് പിടികൂടിയത്.
അതേ സമയം ഓണം സ്പെഷ്യല്‍ ഡ്രൈവിനോടനുബന്ധിച്ച് മലപ്പുറം എക്സൈസ് ഇ?ന്റലിജന്‍സ് ബ്യൂറോയുടെ നേതൃത്വത്തില്‍ അതാത് കേന്ദ്രങ്ങളിലെ പോലീസുമായി സഹകരിച്ച് വ്യാപക പരിശോധനകള്‍ നടത്തിവരുന്നുണ്ട്. ഇന്നലെ തിരൂര്‍ റേഞ്ചും ആര്‍.പി.എഫും ചേര്‍ന്ന് തിരൂര്‍ റെയില്‍വേ സ്റ്റേഷനില്‍ നടത്തിയ പരിശോധനയില്‍ അഞ്ച് കിലോ 100 ഗ്രാം കഞ്ചാവ് പിടികൂടിയിരുന്നു. ചെന്നൈ മംഗലാപുരം മെയില്‍ എക്സ്പ്രസില്‍ വന്ന പശ്ചിമബംഗാള്‍ ബര്‍ദര്‍മാന്‍ സ്വദേശി എസ്. കെ സെയ്ഫുദ്ദീന്‍ (23) എന്നയാളില്‍ നിന്നാണ് കഞ്ചാവ് പിടിച്ചെടുത്തത്. ഇയാളെ അറസ്റ്റ് ചെയ്ത് കേസെടുത്തു. ഓണത്തോടനുബന്ധിച്ച് അതിഥി തൊഴിലാളികള്‍ കഞ്ചാവ് കടത്തിക്കൊണ്ടുവരാന്‍ സാധ്യതയുണ്ടെന്ന് മലപ്പുറം എക്സൈസ് ഇ?ന്റലിജന്‍സിന് ലഭിച്ച വിവരത്തിന്റെ അടിസ്ഥാനത്തിലാണ് പരിശോധന നടത്തിയത്. ചില്ലറ വില്‍പ്പന നടത്തുന്നതിനാണ് കഞ്ചാവ് കൊണ്ടുവന്നത് എന്ന് പ്രതി പൊലീസിനോടു പറഞ്ഞു.തിരൂര്‍ എക്സൈസ് ഇന്‍സ്പെക്ടര്‍ രഞ്ജിത്ത് കുമാര്‍, പ്രിവന്റീവ് ഓഫീസര്‍ രവീന്ദ്രനാഥ്, സി.ഇ.ഒമാരായ വി.പി പ്രമോദ്, അബിന്‍ രാജ്, മലപ്പുറം എക്സൈസ് ഇന്റലിജന്‍സ് പ്രിവന്റീവ് ഓഫീസര്‍ വി.ആര്‍ രാജേഷ് കുമാര്‍, ആര്‍.പി.എഫ് സബ് ഇന്‍സ്പെക്ടര്‍ സുനില്‍കുമാര്‍, സജി അഗസ്റ്റിന്‍ കോണ്‍സ്റ്റബിള്‍ ഒ.പി ബാബു എന്നിവര്‍ പരിശോധനയില്‍ പങ്കെടുത്തു. പ്രതിയെകോടതിയില്‍ ഹാജരാക്കി റിമാന്‍ഡ് ചെയ്തു. സ്പെഷ്യല്‍ ഡ്രൈവ് പരിശോധന തുടരുമെന്ന് മലപ്പുറം ഡെപ്യൂട്ടി എക്സൈസ് കമീഷണര്‍ താജുദീന്‍കുട്ടി അറിയിച്ചു.
RECENT NEWS
ഡിഗ്രി വിദ്യാഭ്യാസം പാതിവഴിയിൽ മുടങ്ങിയ സ്ത്രീകൾക്ക് തുടർ പഠനത്തിന് അവസരമൊരുക്കി മഞ്ഞളാംകുഴി അലി
മലപ്പുറം: ഡിഗ്രി വിദ്യാഭ്യാസം പാതിയിലുപേക്ഷിക്കേണ്ടി വന്ന മങ്കട മണ്ഡലത്തിലെ വനിതകള്ക്ക് അവരുടെ സ്വപ്നം സാക്ഷാല്ക്കരിക്കുന്നതിന് അവസരമൊരുങ്ങുന്നു. മഞ്ഞളാംകുഴി അലി എം.എല്.എയുടെ നേതൃത്വത്തില്‍ രാമപുരത്തെ ജെംസ് ആര്ട്സ് ആന്റ് സയന്സ് കോളേജിന്റെ [...]
