കഞ്ചാവ് കച്ചവടം പോലീസിനെ അറിയിച്ച വിരോധം തീര്ക്കാന് മലപ്പുറം ചങ്ങരംകുളത്ത് യുവാവിന് ക്രൂരമര്ദ്ധനം
![കഞ്ചാവ് കച്ചവടം പോലീസിനെ അറിയിച്ച വിരോധം തീര്ക്കാന് മലപ്പുറം ചങ്ങരംകുളത്ത് യുവാവിന് ക്രൂരമര്ദ്ധനം](https://cdn.statically.io/img/malappuramlife.com/wp-content/uploads/2022/07/kanja-1.jpg)
മലപ്പുറം: കഞ്ചാവ് കച്ചവടം പോലീസിനെ അറിയിച്ചതിന്റെ വിരോധം തീര്ക്കാന് മലപ്പുറം ചങ്ങരംകുളത്ത് യുവാവിനെ ക്രൂരമായി മര്ദ്ധിച്ച് പരിക്കേല്പിച്ച സംഭവത്തിലെ പ്രതികളെ ചങ്ങരംകുളം പോലീസ് അറസ്റ്റ് ചെയ്തു.പെരുമ്പിലാവ് കാര്യാടത്ത് അബ്ദുല് അഹദ്(26) ചിറമനങ്ങാട് ഇല്ലിക്കല് ഷമ്മാസ്(22)എന്നിവരെയാണ് ചങ്ങരംകുളം പോലീസ് അറസ്റ്റ് ചെയ്തത്.കുന്നംകുളത്ത് പോലീസുകാരനെ കൊലപ്പെടുത്താന് ശ്രമിച്ച കേസില് പ്രതികളാണ് ഇവരെന്ന് അന്വേഷണ ഉദ്യോഗസ്ഥര് പറഞ്ഞു.കേസില് കുന്നംകുളം പോലീസ് അറസ്റ്റ് ചെയ്ത് റിമാന്റില് ആയ പ്രതികളെ ചങ്ങരംകുളം പോലീസ് കസ്റ്റഡിയില് വാങ്ങി അറസ്റ്റ് രേഖപ്പെടുത്തുകയായിരുന്നു.പ്രതികളെ സംഭവം നടന്ന താടിപ്പടിയില് എത്തിച്ച് തെളിവെടുപ്പ് നടത്തി.കേസില് ചങ്ങരംകുളം അമയില് സ്വദേശി മുഹമ്മദ് ബാസില്(22) നേരത്തെ അറസ്റ്റിലായിരുന്നു.മാര്ച്ച് 12നാണ് കേസിനാസ്പദമായ സംഭവം നടന്നത്.യുവാവിനെ ചങ്ങരംകുളം ചിയ്യാനൂര് പാടത്ത് താടിപ്പടിയിലുള്ള പോത്ത് ഫാമില് വിളിച്ച് വരുത്തി 9 പേരടങ്ങുന്ന സംഘം ക്രൂരമായി മര്ദ്ധിച്ച് പരിക്കേല്പ്പിക്കുകയായിരുന്നു.പിടിയിലായ പ്രതി ഷമ്മാസ് ചങ്ങരംകുളം കോലിക്കരയില് യുവാവിനെ കുത്തി കൊലപ്പെടുത്തിയ കേസിലും പ്രതികളാണ്.ചങ്ങരംകുളം എസ്.ഐ രാജേന്ദ്രന്,എസ്.സി.പി.ഒ മാരായ ഷിജു,സനോജ് സി.പി.ഒ രാകേഷ് എന്നിവരാണ് പ്രതികളെ കസ്റ്റഡിയില് വാങ്ങി അന്വേഷണം നടത്തുന്നത്
RECENT NEWS
![](https://malappuramlife.com/wp-content/uploads/2024/07/Manjalamkuzhi-Ali.jpg)
ഡിഗ്രി വിദ്യാഭ്യാസം പാതിവഴിയിൽ മുടങ്ങിയ സ്ത്രീകൾക്ക് തുടർ പഠനത്തിന് അവസരമൊരുക്കി മഞ്ഞളാംകുഴി അലി
മലപ്പുറം: ഡിഗ്രി വിദ്യാഭ്യാസം പാതിയിലുപേക്ഷിക്കേണ്ടി വന്ന മങ്കട മണ്ഡലത്തിലെ വനിതകള്ക്ക് അവരുടെ സ്വപ്നം സാക്ഷാല്ക്കരിക്കുന്നതിന് അവസരമൊരുങ്ങുന്നു. മഞ്ഞളാംകുഴി അലി എം.എല്.എയുടെ നേതൃത്വത്തില് രാമപുരത്തെ ജെംസ് ആര്ട്സ് ആന്റ് സയന്സ് കോളേജിന്റെ [...]