മഞ്ചേരിയില് ലോറി ഓട്ടോകളിലും കാറിലും ഇടിച്ചുണ്ടായ അപകടത്തില് രണ്ടു പേര് മരിച്ചു
![മഞ്ചേരിയില് ലോറി ഓട്ടോകളിലും കാറിലും ഇടിച്ചുണ്ടായ അപകടത്തില് രണ്ടു പേര് മരിച്ചു](https://cdn.statically.io/img/malappuramlife.com/wp-content/uploads/2022/07/apakadam-1.jpg)
മഞ്ചേരി: മഞ്ചേരി മാലാംകുളത്ത് നിയന്ത്രണം വിട്ട ലോറി ഓട്ടോകളിലും കാറിലും ഇടിച്ചുണ്ടായ അപകടത്തില് രണ്ടു പേര് മരിച്ചു. നാല് പേര്ക്ക് പരിക്ക്. ഓട്ടോ യാത്രക്കാരായ രാമംകുളം നടുക്കണ്ടി റഫീഖ് (35), നെല്ലിക്കുത്ത് പടാള ഫിറോസിന്റെ മകന് റബാഹ് (10) എന്നിവരാണ് മരിച്ചത്. മൃതദേഹം മഞ്ചേരി മെഡിക്കല് കോളജ് ആശുപത്രിയില്. റബാഹിന്റെ പിതാവ് ഫിറോസ്(44), റുഖ്സാന(36), റാനിയ(14), ടാക്സി ഓട്ടോ ഡ്രൈവര് ജുനൈദ് എന്നിവര്ക്കാണ് പരിക്കേറ്റത്. റുഖ്സാന, റാനിയ എന്നിവരെ കോഴിക്കോട് സ്വകാര്യ ആശുപത്രിയിലും ഫിറോസിനെ മഞ്ചേരിയിലെ സ്വകാര്യ ആശുപത്രിയിലും പ്രവേശിപ്പിച്ചു. ഞായറാഴ്ച്ച വൈകീട്ട് നാലരയോടെയാണ് അപകടം. മഞ്ചേരി ഭാഗത്തുന്നിന്നു പാണ്ടിക്കാട് ഭാഗത്തേക്ക് പോകുകയായിരിന്നു ലോറി റഫീഖ് സഞ്ചരിച്ച സ്വകാര്യ ഓട്ടോയുടെ പിറകില് ഇടിക്കുകയായിരിന്നു. പിറകെ വന്ന ടാക്സി ഓട്ടോയിലും കാറിലും ഇടിക്കുകയായിരിന്നു. പെരുന്നാള് ആഘോഷിക്കാനായി ഭാര്യയേയും മക്കളെയും പയ്യനാട്ടെ വീട്ടിലാക്കി മടങ്ങിയശേഷം രാമംകുളത്തേക്ക് മടങ്ങുകയായിരിന്നു റഫീഖ്. നെല്ലിക്കുത്ത് നിന്ന് വട്ടപ്പാറയിലെ വീട്ടിലേക്ക് പോവുകയായിരിന്നു റബാഹും കുടുംബവും അപകടത്തില് പെട്ടത്. തസ്നിയയാണ് റഫീഖിന്റെ ഭാര്യ.
RECENT NEWS
![](https://malappuramlife.com/wp-content/uploads/2024/07/Manjalamkuzhi-Ali.jpg)
ഡിഗ്രി വിദ്യാഭ്യാസം പാതിവഴിയിൽ മുടങ്ങിയ സ്ത്രീകൾക്ക് തുടർ പഠനത്തിന് അവസരമൊരുക്കി മഞ്ഞളാംകുഴി അലി
മലപ്പുറം: ഡിഗ്രി വിദ്യാഭ്യാസം പാതിയിലുപേക്ഷിക്കേണ്ടി വന്ന മങ്കട മണ്ഡലത്തിലെ വനിതകള്ക്ക് അവരുടെ സ്വപ്നം സാക്ഷാല്ക്കരിക്കുന്നതിന് അവസരമൊരുങ്ങുന്നു. മഞ്ഞളാംകുഴി അലി എം.എല്.എയുടെ നേതൃത്വത്തില് രാമപുരത്തെ ജെംസ് ആര്ട്സ് ആന്റ് സയന്സ് കോളേജിന്റെ [...]