June 25, 2022

സിനിമ, ടൂറിസ്റ്റ് കേന്ദ്രങ്ങളിലേക്ക് കഞ്ചാവെത്തിക്കുന്ന 25കാരന്‍ തിരൂര്‍ പോലീസിന്റെ പിടിയില്‍

മലപ്പുറം: സിനിമ, ടൂറിസ്റ്റ് കേന്ദ്രങ്ങളിലേക്കെ് കഞ്ചാവെത്തിക്കുന്ന 25കാരന്‍ ഒളിവില്‍ കഴിയുന്നതിനിടെ പിടിയില്‍. മലപ്പുറം തിരൂര്‍ ആലിങ്ങല്‍ വെച്ച് കാറില്‍ കഞ്ചാവ് കടത്തുന്നതിനിടെ രക്ഷപ്പെട്ട് ഒളിവിലായിരുന്ന കൊല്ലം കൊട്ടിയം സ്വദേശി സിയാദ് (25)നെയാണ് തിരൂര്‍ പോലീസ് പിടികൂടിയത്. കഴിഞ്ഞ നവംബറിലാണ് ആലിങ്ങല്‍ വെച്ച് പോലീസ് കഞ്ചാവുമായി എത്തിയ കാര്‍ തടഞ്ഞ സമയം കാര്‍ ഉപേക്ഷിച്ച് പ്രതികള്‍ ഓടി രക്ഷപ്പെട്ടത്. കാറില്‍ നിന്ന് പോലീസ് ആറ് കിലോഗ്രാം കഞ്ചാവ് കണ്ടെടുത്തിരുന്നു. സംഭവശേഷം കേരളത്തിലും മറ്റ് സംസ്ഥാനങ്ങളിലുമായി ഒളിവിലായിരുന്ന പ്രതിയെ മണ്ണാര്‍ക്കാടുള്ള സുഹൃത്തിന്റെ വീട്ടില്‍ നിന്നുമാണ് പോലീസ് സംഘം പിടികൂടിയത്.തിരൂര്‍ ഡിവൈഎസ്പി ബെന്നി യുടെ നിര്‍ദ്ദേശ പ്രകാരം തിരൂര്‍ സി.ഐ ജിജോ എം.ജെ, എസ് .ഐ ജലീല്‍ കറുത്തേടത്ത്, ഡാന്‍സാഫ് അംഗങ്ങളായ എസ്. ഐ പ്രമോദ്, എ.എസ്.ഐ ജയപ്രകാശ്, സീനിയര്‍ സി.പി.ഒ മാരായ രാജേഷ്, ജയപ്രകാശ്, സി.പി.ഒ സുമേഷ് എന്നിവരുള്‍പ്പെട്ട അന്വേഷണ സംഘമാണ് പ്രതിയെ പിടികൂടിയത്. കേസിലെ മറ്റു പ്രതികളെ മുന്‍പ് അറസ്റ്റ് ചെയ്തിരുന്നു.സിനിമ മേഖലയിലും,ടൂറിസ്റ്റ് കേന്ദ്രങ്ങളിലും, ഹോട്ടല്‍ ലുകളിലും ആവശ്യക്കാര്‍ക്ക് എത്തിച്ചു നല്‍കുന്നതിനായി രുന്നു പ്രതികള്‍ കഞ്ചാവ് കടത്തിയിരുന്നത്….
തിരൂര്‍ മജിസ്‌ട്രേറ്റ് മുമ്പാകെ ഹാജരാക്കിയ പ്രതിയെ റിമാന്‍ഡ് ചെയ്തു.

Sharing is caring!