ഇന്‍സ്റ്റഗ്രാമിലൂടെ പരിചയപ്പെട്ട 14കാരിയുടെ നഗ്‌ന ഫോട്ടോകള്‍ പ്രണയം നടിച്ച് വാട്സ് ആപ്പിലൂടെ വാങ്ങിച്ചു.
മലപ്പുറം: ഇന്‍സ്റ്റഗ്രാമിലൂടെ പരിചയപ്പെട്ട 14വയസ്സുകാരിയായ പെണ്‍കുട്ടിയുടെ നഗ്‌ന ഫോട്ടോകള്‍ വാട്സ് ആപ്പിലൂടെ വാങ്ങിക്കുകയും പിന്നീട് ഫോട്ടോ പ്രചരിപ്പിക്കുമെന്ന് ഭീഷണിപ്പെടുത്തി സ്വര്‍ണ്ണ കമ്മല്‍ ഊരി നല്‍കാന്‍ ആവശ്യപ്പെടുകയും ചെയ്തു. പിടിയിലായിലായ പ്രതിക്ക് ജാമ്യമില്ല. ഭീഷണിപ്പെടുത്തി ബാലികയുടെ സ്വര്‍ണ്ണ കമ്മല്‍ കവരാന്‍ ശ്രമിച്ച സംഭവത്തില്‍ നിലമ്പൂര്‍ പൊലീസ് അറസ്റ്റ് ചെയ്ത യുവാവിന്റെ ജാമ്യാപേക്ഷ മഞ്ചേരി പോക്സോ സ്പെഷ്യല്‍ കോടതിയാണ് തള്ളിയത്.
കോഴിക്കോട് കാക്കൂര്‍ പാവണ്ടൂര്‍ കൊളത്താഴം കാപ്പുമ്മേല്‍ മുഹമ്മദ് സാദിഖ് (19)ന്റെ ജാമ്യാപേക്ഷയാണ് ജഡ്ജി കെ ജെ ആര്‍ബി തള്ളിയത്. 2022 മെയ് 14നും 29നും ഇടയിലാണ് കേസിന്നാസ്പദമായ സംഭവം. ഇന്‍സ്റ്റഗ്രാമിലൂടെ പരിചയപ്പെട്ട പെണ്‍കുട്ടിയെ പ്രതി പ്രണയം നടിച്ച് നഗ്‌ന ഫോട്ടോകള്‍ വാട്സ് ആപ്പിലൂടെ അയപ്പിക്കുകയായിരുന്നു. പിന്നീട് സ്വര്‍ണ്ണ കമ്മല്‍ ഊരി നല്‍കാന്‍ ആവശ്യപ്പെട്ടു. ആവശ്യം നിരാകരിച്ചപ്പോള്‍ ഫോട്ടോകള്‍ സാമൂഹിക മാധ്യമങ്ങളില്‍ പ്രചരിപ്പിക്കുമെന്ന് ഭീഷണിപ്പെടുത്തി. ട്യൂഷന്‍ ക്ലാസ് കഴിഞ്ഞ് വീട്ടിലേക്ക് മടങ്ങുകയായിരുന്ന കുട്ടിയെ പ്രതി മമ്പാട് നടുവക്കാട് റേഷന്‍ കടക്കടുത്തുവെച്ച് തടഞ്ഞു നിര്‍ത്തി മാനഹാനി വരുത്തിയതോടെ 14കാരിയായ പെണ്‍കുട്ടി പൊലീസില്‍ പരാതി നല്‍കുകയായിരുന്നു. മെയ് 31ന് അറസ്റ്റിലായ പ്രതി റിമാന്റില്‍ കഴിയുകയാണ്.
RECENT NEWS
വീട്ടമ്മയെ സെപ്റ്റിക് ടാങ്കിനായി കുഴിച്ച കുഴിയിൽ മരിച്ച നിലയിൽ കണ്ടെത്തി
തിരൂർ: വളവന്നൂർ കുറുക്കോൾ സമദാനഗറിൽ വീട്ടമ്മയെ സെപ്റ്റിക് ടാങ്കിനായി കുഴിച്ച കുഴിയിൽ മരിച്ച നിലയിൽ കണ്ടെത്തി. മൈലാടിക്കുന്നത് ബാവയുടെ ഭാര്യ നഫീസയാണ് (55) അയൽവാസിയുടെ വീട്ടുപറമ്പിലെ സെപ്റ്റിക് ടാങ്കിനായി കുഴിച്ച കുഴിയിൽ മരിച്ച നിലയിൽ [...]
