മലപ്പുറം വട്ടത്താണിയില് 32കാരന് ട്രെയിന് ഇടിച്ച് മരിച്ചു
താനൂര്: വട്ടത്താണിയില് ട്രെയിന് തട്ടി മരിച്ച യുവാവിനെ തിരിച്ചറിഞ്ഞു. കെ.പുരം പട്ടരുപറമ്പ് സ്വദേശി പരേതനായ അമ്പലക്കുളങ്ങര കുമാരന്റെ മകന് രജി(32)യെയാണ് ചൊവ്വാഴ്ച രാവിലെ 6.45 നാണ് വട്ടത്താണിയില് മരിച്ച നിലയില് കണ്ടത്. ചൊവ്വാഴ്ച രാവിലെ ജോലിക്ക് പോകാനായി വീട്ടില് നിന്നിറങ്ങിയതാണ്. വൈകീട്ട് തിരിച്ച് വരാത്തതിനെ തുടര്ന്ന് ബന്ധുക്കള് പോലീസില് പരാതി നല്കി. തുടര്ന്നു നടത്തിയ അന്വേഷണത്തില് വട്ടത്താണിയില് ട്രെയിന് തട്ടി മരിച്ചത് ഇയാളാകാമെന്ന നിഗമനത്തിലായിരുന്നു പോലീസ്. ബുധനാഴ്ച രാവിലെ മൃതദേഹം ബന്ധുക്കള് തിരിച്ചറിഞ്ഞതോടെ പോസ്റ്റുമോര്ട്ടം നടപടികള്ക്കു ശേഷം വൈകീട്ടോടെ സംസ്കരിച്ചു. കഴിഞ്ഞ രണ്ടു വര്ഷമായി മാനസികാസ്വാസ്ഥ്യം പ്രകടിപ്പിക്കാറുണ്ടെന്നു ബന്ധുക്കള് പോലീസില് അറിയിച്ചു. അമ്മ: ചന്ദ്രമതി. സഹോദരിമാര്: ഉഷ, നിഷ, രജിത.
RECENT NEWS
മാധ്യമ മേഖലയിലെ തൊഴില് സുരക്ഷ ഉറപ്പാക്കാന് സര്ക്കാര് ഇടപെടണം; കേരളാ പത്രപ്രവര്ത്തക യൂണിയന്
മലപ്പുറം: മാധ്യമ മേഖലയിലെ തൊഴില് സുരക്ഷ ഉറപ്പാക്കാന് സര്ക്കാര് ഇടപെടണമെന്നു കേരളാ പത്രപ്രവര്ത്തക യൂണിയന് ജില്ലാ സമ്മേളനം ആവശ്യപ്പെട്ടു. പത്രപ്രവര്ത്തക പെന്ഷന് അപേക്ഷകളിലെ കാലതാമസം ഒഴിവാക്കാന് ഉദ്യോഗസ്ഥ തലത്തിലെ അലംഭാവം [...]
