മമ്പാട് സ്വദേശിനി കൊവിഡ് ബാധിച്ച് മരിച്ചു
മലപ്പുറം: മമ്പാട് സ്വദേശിനി കൊവിഡ് ബാധിച്ച് മരിച്ചു. മമ്പാട് നടുവക്കാട് കുട്ടിക്കുന്നിലെ പരേതനായ നടുക്കണ്ടി മുഹമ്മദിന്റെ ഭാര്യ പാത്തുമ്മ (76) യാണ് മരിച്ചത്. മഞ്ചേരി മെഡിക്കല്‍ കോളേജില്‍ കൊവിഡ് ബാധിച്ചു ചികിത്സയിലായിരുന്നു. വയറുവേദനക്ക് ഉള്‍പ്പെടെ മരുന്ന് കഴിച്ചിരുന്ന പാത്തുമ്മക്ക് 6 ദിവസം മുന്‍പ് വേദന കൂടിയതോടെ പെരിന്തല്‍മണ്ണ എം ഇ എസ് മെഡിക്കല്‍ കോളേജില്‍ എത്തിച്ചു. തുടര്‍ന്ന് നടത്തിയ ആന്റിജന്‍ പരിശോധനയില്‍ കൊവിഡ് 19 പോസ്റ്റീവ് ആയതിനെ തുടര്‍ന്നാണ് മഞ്ചേരി മെഡിക്കല്‍ കോളേജില്‍ പ്രവേശിപ്പിച്ചത്. ഇവര്‍ക്ക് കൊവിഡ് രോഗലക്ഷണങ്ങള്‍ ഒന്നും ഉണ്ടായിരുന്നില്ലെന്ന് ആരോഗ്യ വകുപ്പ് അധികൃതര്‍ പറഞ്ഞു. മമ്പാട് പഞ്ചായത്തിലെ ആദ്യ കൊവിഡ് മരണം കൂടിയാണിത്. അന്‍സാര്‍, സൈതലവി, ശൗക്കത്ത്, നബീസ, റീജാമോള്‍, പരേതരായ അസ്മാബി, അബൂബക്കര്‍ എന്നിവര്‍ മക്കളാണ്.
RECENT NEWS
ഡിഗ്രി വിദ്യാഭ്യാസം പാതിവഴിയിൽ മുടങ്ങിയ സ്ത്രീകൾക്ക് തുടർ പഠനത്തിന് അവസരമൊരുക്കി മഞ്ഞളാംകുഴി അലി
മലപ്പുറം: ഡിഗ്രി വിദ്യാഭ്യാസം പാതിയിലുപേക്ഷിക്കേണ്ടി വന്ന മങ്കട മണ്ഡലത്തിലെ വനിതകള്ക്ക് അവരുടെ സ്വപ്നം സാക്ഷാല്ക്കരിക്കുന്നതിന് അവസരമൊരുങ്ങുന്നു. മഞ്ഞളാംകുഴി അലി എം.എല്.എയുടെ നേതൃത്വത്തില് രാമപുരത്തെ ജെംസ് ആര്ട്സ് ആന്റ് സയന്സ് കോളേജിന്റെ [...]
