സൗദിയില് വെള്ളക്കെട്ടില്വീണ് അങ്ങാടിപ്പുറം സ്വദേശി മരിച്ചു
പെരിന്തല്മണ്ണ-അങ്ങാടിപ്പുറം ആശാരിപ്പടി സ്വദേശിയും മക്കയിലെ ബഡ്ജറ്റ് കമ്പനിയിലെ ജോലിക്കാരനുമായ മൂന്നാക്കല് മുഹമ്മദ് അലി (50) ജിദ്ദക്ക് സമീപത്തെ ശുഹൈബയില് വെള്ളക്കെട്ടില് വീണു മരിച്ചതായി ബന്ധുക്കള്ക്കു വിവരം ലഭിച്ചു. അവധി ദിനമായ വെള്ളിയാഴ്ച സുഹൃത്തുക്കള്ക്കൊപ്പം മീന് പിടിക്കാന് പോയതായിരുന്നു. ചൂണ്ടയിടുന്നതിനിടെ ശക്തമായ പൊടിക്കാറ്റടിച്ചതോടെ കണ്ണിലേക്കു മണല് കയറുന്നതു ഒഴിവാക്കാന് വാഹനത്തിലേക്കു മടങ്ങുകയാണെന്നാണ് സുഹൃത്തുക്കളോടു പറഞ്ഞത്. ഇതിനിടെ പൊടിക്കാറ്റ് രൂക്ഷമായതോടെ ചുണ്ടയിടുന്നതു നിര്ത്തി വാഹനത്തിലേക്കു മടങ്ങിയ സുഹൃത്തുക്കള്ക്കു മുഹമ്മദാലിയെ കണ്ടെത്തനായില്ല. കാറ്റിന്റെ ശക്തി കുറഞ്ഞപ്പോള് നടത്തിയ തെരച്ചിലില് ചൂണ്ടയും മാസ്ക്കും കണ്ടെത്തിയെങ്കിലും മുഹമ്മദലിയെ കണ്ടില്ല. തെരച്ചിലിനൊടുവില് ശുഹൈബയിലെ വെള്ളക്കെട്ടില് മൃതദേഹം കാണപ്പെടുകയായിരുന്നു. നടപടികള് പൂര്ത്തിയാക്കി ഖബറടക്കം നടത്തും. ഭാര്യ: റജീന. മക്കള്: ജന്സിയ, സിനിയ. സഹോദരങ്ങള്: മുഹമ്മദ് ബഷീര്, സാദിഖ്, ഖമറുന്നീസ, ഷറഫുന്നീസ, റജ്മുന്നീസ, ഷമീമ. പിതാവ് : സൂപ്പി. മാതാവ് : ഖദീജ. ഒന്നര വര്ഷം മുമ്പാണ് മുഹമ്മദ് അലി നാട്ടില് വന്നു തിരികെ ജോലി സ്ഥലമായ സൗദിയിലേക്കു പോയത്.
RECENT NEWS
മാധ്യമ മേഖലയിലെ തൊഴില് സുരക്ഷ ഉറപ്പാക്കാന് സര്ക്കാര് ഇടപെടണം; കേരളാ പത്രപ്രവര്ത്തക യൂണിയന്
മലപ്പുറം: മാധ്യമ മേഖലയിലെ തൊഴില് സുരക്ഷ ഉറപ്പാക്കാന് സര്ക്കാര് ഇടപെടണമെന്നു കേരളാ പത്രപ്രവര്ത്തക യൂണിയന് ജില്ലാ സമ്മേളനം ആവശ്യപ്പെട്ടു. പത്രപ്രവര്ത്തക പെന്ഷന് അപേക്ഷകളിലെ കാലതാമസം ഒഴിവാക്കാന് ഉദ്യോഗസ്ഥ തലത്തിലെ അലംഭാവം [...]
