ജില്ലയില് പ്രതിദിന കോവിഡ് രോഗികളുടെ എണ്ണം 1000 പിന്നിട്ടു
മലപ്പുറം: ജില്ലയിലെ പ്രതിദിന കോവിഡ് രോഗികളുടെ എണ്ണത്തില് വന് വര്ധന. 1,040 പേര്ക്കാണ് ഇന്ന് രോഗബാധ സ്ഥിരീകരിച്ചതെന്ന് ജില്ലാ കലക്ടര് കെ. ഗോപാലകൃഷ്ണന് അറിയിച്ചു. ഇക്കഴിഞ്ഞ ദിവസങ്ങളില് രോഗബാധിതരുടെ എണ്ണത്തിലുണ്ടായ ക്രമാതീതമായ വര്ധനവിന് തുടര്ച്ചയായാണ് പ്രതിദിന രോഗബാധിതര് 1,000 കവിഞ്ഞത്. ആശങ്കാജനകമായ സ്ഥിതിവിശേഷമാണ് ജില്ലയിലേത്. ജില്ലാ ഭരണകൂടത്തിന്റെ നേതൃത്വത്തില് ആരോഗ്യ വകുപ്പും ഇതര സര്ക്കാര് വകുപ്പുകളും ചേര്ന്ന് നടത്തുന്ന രോഗ പ്രതിരോധ പ്രവര്ത്തനങ്ങളുമായി പൊതുജനങ്ങള് പൂര്ണ്ണമായും സഹകരിക്കണമെന്നും ജില്ലാ കലക്ടര് അഭ്യര്ഥിച്ചു.
ഇന്നും രോഗം സ്ഥിരീകരിച്ചവരില് സമ്പര്ക്കത്തിലൂടെ വൈറസ് ബാധിതരാണ് കൂടുതല്. 970 പേര്ക്കാണ് നേരിട്ടുള്ള സമ്പര്ക്കത്തിലൂടെ വൈറസ് ബാധുണ്ടായത്. ഉറവിടമറിയാതെ 54 പേര്ക്കും നാല് ആരോഗ്യ പ്രവര്ത്തകര്ക്കും കോവിഡ് 19 സ്ഥിരീകരിച്ചു. രോഗബാധിതരായവരില് അഞ്ച് പേര് ഇതര സംസ്ഥാനങ്ങളില് നിന്നെത്തിയവരും ഏഴ് പേര് വിദേശ രാജ്യങ്ങളില് നിന്നെത്തിയവരുമാണ്. അതേസമയം 525 പേര് വിദഗ്ധ ചികിത്സക്ക് ശേഷം ജില്ലയില് ഇന്ന് രോഗമുക്തരായി. ഇതുവരെ 16,006 പേരാണ് വിദഗ്ധ ചികിത്സക്ക് ശേഷം ജില്ലയില് രോഗമുക്തരായി വീടുകളിലേക്ക് മടങ്ങിയത്.
38,537 പേര് നിരീക്ഷണത്തില്
38,537 പേരാണ് ഇപ്പോള് ജില്ലയില് നിരീക്ഷണത്തിലുള്ളത്. 5,261 പേര് വിവിധ ചികിത്സാ കേന്ദ്രങ്ങളില് നിരീക്ഷണത്തിലുണ്ട്. കോവിഡ് പ്രത്യേക ചികിത്സാ കേന്ദ്രങ്ങളായ ആശുപത്രികളില് 530 പേരും വിവിധ കോവിഡ് ഫസ്റ്റ് ലൈന് ട്രീറ്റ്മെന്റ് സെന്ററുകളില് 1,820 പേരുമാണ് നിരീക്ഷണത്തിലുള്ളത്. മറ്റുള്ളവര് വീടുകളിലും കോവിഡ് കെയര് സെന്ററുകളിലുമായി നിരീക്ഷണത്തിലാണ്. ഇതുവരെ 1,65,017 സാമ്പിളുകളാണ് ജില്ലയില് നിന്ന് പരിശോധനക്കയച്ചത്. ഇതില് 5,477 സാമ്പിളുകളുടെ പരിശോധനാ ഫലങ്ങള് ലഭിക്കാനുണ്ട്.
RECENT NEWS
വോട്ട് ചെയ്യാൻ വരുന്നതിനിടെ അപകടത്തിൽ പെട്ട് പരപ്പനങ്ങാടി സ്വദേശി മരിച്ചു
പരപ്പനങ്ങാടി: ലോറിയിടിച്ച് സ്കൂട്ടര് യാത്രികൻ മരിച്ചു. ചെറമംഗലം കുരുക്കള് റോഡ് സ്വദേശി സൈദുഹാജി(70) യാണ് മരിച്ചത്. അപകടത്തിൽ ഗുരുതരമായി പരിക്കേറ്റതിനെ തുടർന്ന് സ്വകാര്യ ആശുപത്രിയിൽ ചികിൽസയിലായിരുന്നു. 12.30 ഓടെ മരണപ്പെടുകയായിരുന്നു. [...]