മുസ്ലീം ലീഗിന് വേണ്ടി സമുദായം കൊടുക്കുന്നത് കനത്ത വില: ഐ എൻ എൽ

മുസ്ലീം ലീഗിന് വേണ്ടി സമുദായം കൊടുക്കുന്നത് കനത്ത വില: ഐ എൻ എൽ

മലപ്പുറം: മുസ്ലീം ലീഗ് നിലനിൽക്കുന്നതിന് വേണ്ടി സമുദായം കനത്ത വില നൽകുകയാണെന്ന് ഐ എൻ എൽ സംസ്ഥാന സെക്രട്ടറിയേറ്റ് മെമ്പർ എൻ കെ. അബ്ദുൽ അസീസ് ആരോപിച്ചു. സ്വർണ്ണ കള്ളകടത്തിന്റെ പേരിൽ വിശുദ്ധ ഖുർആനെ തെരുവിൽ വിചാരണ ചെയ്യാൻ സംഘപരിവാർ ശക്തികൾക്ക് പ്രചോദനമായത് മുസ്ലീം ലീഗ് നിലപാടാണെന്നും, അധികാര ഭ്രാന്ത് പിടിച്ച കോ ലീ ബീ സഖ്യത്തിന്റെ വർഗ്ഗീയ ദ്രുവീകരണ നീക്കം ജനാധിപത്യ വിശ്വാസികൾ ചെറുത്ത് തോൽപ്പിക്കണമെന്നും അദ്ദേഹം ആവശ്യപ്പെട്ടു.കോലീബി സഖ്യത്തിന്റെ വർഗീയ ധ്രുവീകരണ നീക്കങ്ങൾക്കെതിരെ ഇന്ത്യൻ നാഷണൽ ലീഗ് സംസ്ഥാന കമ്മറ്റി സംസ്ഥാന വ്യാപകമായി സംഘടിപ്പിക്കുന്ന പ്രതിഷേധ സംഗമങ്ങളുടെ ഭാഗമായി കുന്നുമ്മൽ കെ എസ് ആർ ടി സി ബസ്സ് സ്റ്റാന്റ് പരിസരത്ത് മണ്ഡലം കമ്മറ്റിയുടെ ആഭിമുഖ്യത്തിൽ നടന്ന പ്രതിഷേധ സംഗമം ഉൽഘാടനം ചെയ്യുകയായിരുന്നു അദ്ദേഹം.

ഒ എം. ജബ്ബാർ ഹാജി അദ്ധ്യക്ഷത വഹിച്ചു. ഐ എൻ എൽ. സംസ്ഥാന കൗൺസിൽ അംഗങ്ങളായ പി കെ എസ്. മുജീബ് ഹസ്സൻ, സാലിഹ് മേടപ്പിൽ, ജില്ലാ സെക്രട്ടറി ഖാലിദ് മഞ്ചേരി, ജില്ലാ സെക്രട്ടറിയേറ്റ് മെമ്പർ കെ. മുഹമ്മദലി മാസ്റ്റർ, സി പി എം. ഏരിയാ സെക്രട്ടറി കെ. മജ്‌നു, സി പി ഐ. ജില്ലാ കൗൺസിൽ അംഗം എം എ. റസാഖ്, നാഷണൽ യൂത്ത് ലീഗ് ജില്ലാ സെക്രട്ടറി എൻ എം. മഷ്ഹൂദ്, നാഷണൽ പ്രവാസി ലീഗ് ജില്ലാ പ്രസിഡന്റ് ഇ കെ. സമദ് ഹാജി, ജനറൽ സെക്രട്ടറി സി എച്ച്. അലവിക്കുട്ടി തുടങ്ങിയവർ പ്രസംഗിച്ചു.അസീസ് കളപ്പാടൻ സ്വാഗതവും, അബ്ദുള്ള പൂക്കോട്ടൂർ നന്ദിയും പറഞ്ഞു. റസാഖ് വെള്ളൂർ, കുഞ്ഞാണി മലപ്പുറം, ഒ പി യൂസഫ്, , ഷരീഫ് പൂഴി, ഷറഫുദ്ദീൻ അത്താണിക്കൽ, കെ എം.ബാപ്പുട്ടി, മുസ്തഫ ഉമ്മത്തൂർ, തുടങ്ങിയവർ പരിപാടിക്ക് നേതൃത്ത്വം നൽകി.

Sharing is caring!