February 6, 2020

എം.എല്‍.എ എന്ന നിലയില്‍ കെ.എം ഷാജിയുടെ അവകാശങ്ങളെച്ചൊല്ലി നിയമസഭയില്‍ വാക്പോര്

തിരുവനന്തപുരം: എം.എല്‍.എ എന്ന നിലയില്‍ കെ.എം ഷാജിയുടെ അവകാശങ്ങളെച്ചൊല്ലി നിയമസഭയില്‍ വാക്പോര്. കെ.എം ഷാജിയുടെ വോട്ടവകാശം കോടതി തടഞ്ഞതിനെ ചൂണ്ടിക്കാട്ടിയാണ് പാര്‍ലമെന്ററി കാര്യ മന്ത്രി എ.കെ ബാലന്‍ രംഗത്തെത്തിയത്. ഷാജിക്ക് അടിയന്തരപ്രമേയം അവതരിപ്പിക്കാന്‍ സാധിക്കില്ലെന്നായിരുന്നു ബാലന്റെ വാദം.
ഇതോടെ ബഹളവുമായി പ്രതിപക്ഷം രംഗത്തെത്തി. ഷാജിയെ മന:പൂര്‍വ്വം അവഹേളിക്കാനാണ് ഭരണപക്ഷത്തിന്റെ ശ്രമമെന്ന് പ്രതിപക്ഷം ആരോപിച്ചു.
ഇതോടെ വിഷയത്തില്‍ സ്പീക്കര്‍ ഇടപെടുകയും ഷാജിയുടെ വോട്ടവകാശം മാത്രമാണ് കോടതി തടഞ്ഞതെന്നും അടിയന്തര പ്രമേയം അവതരിപ്പിക്കാമെന്നും സഭയെ അറിയിക്കുകയായിരുന്നു. സെന്‍സസ് നടപടികള്‍ ചോദ്യംചെയ്തായിരുന്നു കെ.എം ഷാജിയുടെ അടിയന്തര പ്രമേയം.

Sharing is caring!