നെടുമ്പാശേരി വിമാനത്തവളത്തിലും സ്വര്‍ണവുമായി മലപ്പുറത്തുകാരന്‍ പിടിയില്‍
കൊച്ചി: അനധികൃതമായി കടത്താന്‍ ശ്രമിച്ച 34 ലക്ഷം രൂപയുടെ സ്വര്‍ണവുമായി നെടുമ്പാശേരി വിമാനത്താവളത്തില്‍ യാത്രക്കാരന്‍ പിടിയില്‍.മലപ്പുറം കാരുക്കുണ്ട് സ്വദേശിയെയാണ് ഡയറക്ടറേറ്റ് ഓഫ് റവന്യു ഇന്റലിജന്‍സ് (ഡിആര്‍ഐ) വിഭാഗവും കസ്റ്റംസ് എയര്‍ ഇന്റലിജന്‍സും സംയുക്തമായി നടത്തിയ പരിശോധനയില്‍ പിടികൂടിയത്. മസ്‌കറ്റില്‍ നിന്നും എയര്‍ ഇന്ത്യ എക്സ്പ്രസ് വിമാനത്തിലാണ് സ്വര്‍ണവുമായി ഇയാള്‍ എത്തിയത്. 900 ഗ്രാം 24 കാരറ്റ് സ്വര്‍ണമാണ് ഇയാളില്‍ നിന്നും പിടികൂടിയത്. ഫുഡ് പ്രൊസസറില്‍ ഷീറ്റുകളാക്കി സ്വര്‍ണം ഒളിപ്പിച്ചിരിക്കുകയായിരുന്നു. ബാഗേജിനകത്താണ് ഫുഡ് പ്രൊസസര്‍ സൂക്ഷിച്ചിരുന്നത്. സ്വര്‍ണം കടത്തുന്നതായുള്ള രഹസ്യവിവരം ലഭിച്ചതിനെ തുടര്‍ന്നാണ് ഡിആര്‍ഐ വിഭാഗം ഉദ്യോഗസ്ഥര്‍ വിമാനത്താവളത്തില്‍ പരിശോധനക്കെത്തിയത്
RECENT NEWS
സമുദ്ര മത്സ്യ ബന്ധന നിയമം;സമഗ്ര വികസനത്തിനാവണം: ഇ. ടി. മുഹമ്മദ് ബഷീർ എം.പി
സമുദ്ര മത്സ്യ ബന്ധന നിയമം മത്സ്യ തൊഴിലാളികളുടെയും, തീരപ്രദേശങ്ങളുടെയും സമഗ്ര വികസനത്തിന് കൂടി പര്യാപ്തമാകണമെന്ന് മുസ്‌ലിം ലീഗ് പാർലിമെന്ററി പാർട്ടി ലീഡർ ഇ. ടി. മുഹമ്മദ് ബഷീർ എം.പി, എം. പി അബ്ദുസ്സമദ് സമദാനി എം.പി എന്നിവർ ഇന്ന് പാർലമെന്റ് [...]
