അയ്യപ്പഭക്തര്‍ക്ക് ഭക്ഷണം നല്‍കാന്‍ പൊന്നാനി വലിയ ജമാഅത്ത് പള്ളി ഭാരവാഹികളും
പൊന്നാനി: ശബരിമലയിലേക്ക് പോകുന്ന അയ്യപ്പഭക്തര്‍ക്ക് കുറ്റിപ്പുറം മിനി പമ്പയില്‍ ഒരുക്കിയ അന്നദാനത്തിന് പൊന്നാനി വലിയ ജമാഅത്ത് പള്ളിയുടെ സ്നേഹ സഹായം.മിനി പമ്പയിലെ അയ്യപ്പ സേവാസംഘത്തിന്റെ അന്നദാന ക്യാംപില്‍ പള്ളി മുത്തവല്ലിയും ഹജ്ജ് കമ്മറ്റി മെമ്പറും ഭാരവാഹികളം അരിയുമായി എത്തിയപ്പോള്‍ സേവാസംഘം ഭാരവാഹികളും മറ്റു സംസ്ഥാനങ്ങളില്‍ നിന്നെത്തിയ അയ്യപ്പഭക്തരും ചേര്‍ന്ന് ഇവരെ സ്വീകരിച്ചു. പൊന്നാനി വലിയ ജാറം മുത്തവല്ലി സെയ്ദ് മുഹമ്മദ് തങ്ങള്‍, സംസ്ഥാന ഹജ്ജ് കമ്മിറ്റി മെമ്പര്‍ കെ എം മുഹമ്മദ് കാസിം കോയ, എം അബ്ദുല്‍ ലത്തീഫ്, മുഹമ്മദ് ഫൈസല്‍ തുടങ്ങിയവരാണ് അന്നദാന ക്യാംപില്‍ എത്തിയത്.
തുടര്‍ന്ന് നടന്ന ചടങ്ങില്‍ അന്നദാനം കോ-ഓര്‍ഡിനേറ്റര്‍ കണ്ണന്‍ പന്താവൂര്‍ സ്വാഗതം പറഞ്ഞു. അയ്യപ്പസേവാസംഘം സംസ്ഥാന പ്രസിഡന്റും മുന്‍ എംപിയുമായ സി ഹരിദാസ് അധ്യക്ഷത വഹിച്ചു. ടി കൃഷ്ണന്‍ നായര്‍, ബാലചന്ദ്രന്‍ മുല്ലപുള്ളി, എ പവിത്ര കുമാര്‍, ജെ പി വേലായുധന്‍, കെ രവീന്ദ്രന്‍, മോഹനന്‍ നായര്‍, കുമാരന്‍ പൂക്കറത്തറ സംസാരിച്ചു.
RECENT NEWS
പട്ടിണി പാവങ്ങൾ കളി കാണാൻ എത്തുമോ? കേരളം ഇനി രാജ്യാന്തര ക്രിക്കറ്റിന് വേദിയാകുന്നതിന് വിവാദങ്ങൾ തടസം
മലപ്പുറം: അപ്രധാനമായ ഇന്ത്യ-ന്യൂസിലാന്റ് മൂന്നാം ഏകദിനത്തിലും സ്റ്റേഡിയം നിറഞ്ഞ് കാണികൾ എത്തിയതോടെ തിരുവനന്തപുരത്ത് നടന്ന ഇന്ത്യ-ശ്രീലങ്ക മത്സരത്തിലെ കാണികളുടെ അഭാവം വീണ്ടും ചർച്ചയാകുന്നു. ആദ്യ രണ്ട് മത്സരങ്ങളും ജയിച്ച് ഇന്ത്യ പരമ്പര [...]
