കോണ്ഗ്രസ് മഞ്ചേരി മണ്ഡലം പ്രസിഡണ്ട് വല്ലാഞ്ചിറ ഹുസൈന്റെ വീടിനു നേരെ കല്ലേറ്
![കോണ്ഗ്രസ് മഞ്ചേരി മണ്ഡലം പ്രസിഡണ്ട് വല്ലാഞ്ചിറ ഹുസൈന്റെ വീടിനു നേരെ കല്ലേറ്](https://cdn.statically.io/img/malappuramlife.com/wp-content/uploads/2019/01/2-9.jpg)
മഞ്ചേരി: കോണ്ഗ്രസ് മഞ്ചേരി മണ്ഡലം പ്രസിഡണ്ട് വല്ലാഞ്ചിറ ഹുസൈന്റെ വീടിനു നേരെ സാമൂഹിക വിരുദ്ധര് കല്ലെറിഞ്ഞതായി പരാതി. ഞായറാഴ്ച രാത്രി 11.50ന് മഞ്ചേരി ചെട്ടിയങ്ങാടിയിലുള്ള വീടിനു നേരെയാണ് അക്രമം. ഉടന് മഞ്ചേരി പൊലീസിനെ അറിയിക്കുകയും പത്തു മിനിറ്റിനകം പൊലീസ് സംഭവ സ്ഥലത്തെത്തിയെങ്കിലും പ്രതികളെ പിടികൂടാനായില്ല.
വീടിനു മുമ്പിലെ വഴിയില് നിന്നാണ് കല്ലേറ് വന്നിട്ടുള്ളത്. ഏഴ് കല്ലുകള് പൊലീസ് കണ്ടെടുത്തു. ജനല് ചില്ലുകള്, കാര് സിഗ്നല് ലൈറ്റ്, ജലസേചന പി വി സി പൈപ്പ് എന്നിവ കല്ലേറില് തകര്ന്നു. മലപ്പുറത്തു നിന്നും എസ് എസ് ബി, എസ് ബി പൊലീസും മഞ്ചേരി പൊലീസും വിശദമായ അന്വേഷണം നടത്തുന്നുണ്ട്.
പൊതുവെ രാഷ്ട്രീയമായി ശാന്തമായ പ്രദേശമാണ് ചെട്ടിയങ്ങാടിയെന്നും കല്ലേറിനു പിന്നില് സാമൂഹിക വിരുദ്ധരാകാനാണ് സാദ്ധ്യതയെന്നും വല്ലാഞ്ചിറ ഹുസൈന് പറഞ്ഞു.
RECENT NEWS
![](https://malappuramlife.com/wp-content/uploads/2024/07/Manjalamkuzhi-Ali.jpg)
ഡിഗ്രി വിദ്യാഭ്യാസം പാതിവഴിയിൽ മുടങ്ങിയ സ്ത്രീകൾക്ക് തുടർ പഠനത്തിന് അവസരമൊരുക്കി മഞ്ഞളാംകുഴി അലി
മലപ്പുറം: ഡിഗ്രി വിദ്യാഭ്യാസം പാതിയിലുപേക്ഷിക്കേണ്ടി വന്ന മങ്കട മണ്ഡലത്തിലെ വനിതകള്ക്ക് അവരുടെ സ്വപ്നം സാക്ഷാല്ക്കരിക്കുന്നതിന് അവസരമൊരുങ്ങുന്നു. മഞ്ഞളാംകുഴി അലി എം.എല്.എയുടെ നേതൃത്വത്തില് രാമപുരത്തെ ജെംസ് ആര്ട്സ് ആന്റ് സയന്സ് കോളേജിന്റെ [...]