കിളിനക്കോട് സംഭവം; യൂത്ത്ലീഗ് നേതാവ് അടക്കം നാലുപേര് അറസ്റ്റില്
![കിളിനക്കോട് സംഭവം; യൂത്ത്ലീഗ് നേതാവ് അടക്കം നാലുപേര് അറസ്റ്റില്](https://cdn.statically.io/img/malappuramlife.com/wp-content/uploads/2018/12/3-28.jpg)
വേങ്ങര: കണ്ണമംഗലം കിളിനക്കോട് വിവാഹത്തില് പങ്കെടുക്കാനെത്തിയ കോളേജ് വിദ്യാര്ത്ഥിനികള്ക്കെതിരെ സോഷ്യല് മീഡിയയിലൂടെ മോശം പരാമര്ശം നടത്തിയ കേസില് നാലുപേരെ വേങ്ങര പോലീസ് അറസ്റ്റു ചെയ്തു. യൂത്ത് ലീഗ് പഞ്ചായത്തു കമ്മിറ്റി പ്രസിഡണ്ട് ഷംസു, അബ്ദുള് ഗഫൂര്, സാദിഖ്, ലുക്ക്മാന്, ഹൈദരലി എന്നിവരെയാണ് അറസ്റ്റു ചെയ്തത്.കഴിഞ്ഞ ഞായറാഴ്ച കളി നക്കോട്ട് കൂട്ടുകാരിയുടെ വിവാഹത്തില് പങ്കെടുത്ത് മടങ്ങുകയായിരുന്ന കോളേജ് വിദ്യാര്ത്ഥിനികള്ക്കെതിരെ സോഷ്യല് മീഡിയയിലൂടെ മോശം പരാമര്ശം നടത്തിയതായി വിദ്യാര്ത്ഥിനികള് പരാതിപ്പെട്ടിരുന്നു. സംഭവം വാര്ത്താ മാധ്യമങ്ങളില് ശ്രദ്ധ നേടിയിരുന്നു.സംഭവത്തില് ഒരാളെ കൂടി പിടികൂടാനുണ്ടെന്ന് എസ്.ഐ. സംഗീത് പുനത്തില് പറഞ്ഞു. പിടിയിലായവരെ സ്റ്റേഷന് ജാമ്യത്തില് വിട്ടു.
RECENT NEWS
![](https://malappuramlife.com/wp-content/uploads/2024/07/Manjalamkuzhi-Ali.jpg)
ഡിഗ്രി വിദ്യാഭ്യാസം പാതിവഴിയിൽ മുടങ്ങിയ സ്ത്രീകൾക്ക് തുടർ പഠനത്തിന് അവസരമൊരുക്കി മഞ്ഞളാംകുഴി അലി
മലപ്പുറം: ഡിഗ്രി വിദ്യാഭ്യാസം പാതിയിലുപേക്ഷിക്കേണ്ടി വന്ന മങ്കട മണ്ഡലത്തിലെ വനിതകള്ക്ക് അവരുടെ സ്വപ്നം സാക്ഷാല്ക്കരിക്കുന്നതിന് അവസരമൊരുങ്ങുന്നു. മഞ്ഞളാംകുഴി അലി എം.എല്.എയുടെ നേതൃത്വത്തില് രാമപുരത്തെ ജെംസ് ആര്ട്സ് ആന്റ് സയന്സ് കോളേജിന്റെ [...]