പോലീസിന്റെ വാഹന പരിശോധനക്കിടെ കുട്ടി ഡ്രൈവര് കുഴഞ്ഞുവീണു, സംഭവം മലപ്പുറത്ത്
![പോലീസിന്റെ വാഹന പരിശോധനക്കിടെ കുട്ടി ഡ്രൈവര് കുഴഞ്ഞുവീണു, സംഭവം മലപ്പുറത്ത്](https://cdn.statically.io/img/malappuramlife.com/wp-content/uploads/2018/12/2-4.jpg)
പോലീസിന്റെ വാഹന പരിശോധനയ്ക്കിടെ കുട്ടി ഡ്രൈവർ കുഴഞ്ഞു വീണു. കുട്ടിയെയും കൊണ്ട് പോലീസ് വലഞ്ഞു. അവസാനം കേസെടുക്കാതെ പോലീസ് തടിയൂരി.
വാണിമേൽ വയൽ പീടികക്കടുത്ത് പോലീസ് കൺട്രോൾ റൂം സംഘം വാഹന പരിശോധന നടത്തുന്നതിനിടെയാണ് ഹൈസ്കൂൾ വിദ്യാർഥി സ്കൂട്ടറുമായി വന്നത്. ഹെൽമെറ്റ് ധരിക്കാതെ എത്തിയ വിദ്യാർഥിയെ പോലീസ് കൈകാണിച്ചു നിർത്തി. ചോദ്യം ചെയ്യുന്നതിനിടെയാണ് കുട്ടി ബോധരഹിതനായത്.
വാഹനം സ്റ്റേഷനിലേക്ക് കൊണ്ട് പോകുമെന്നും ആയിരത്തി അഞ്ഞൂറ് രൂപ പിഴ അടക്കണമെന്നും പോലീസ് പറഞ്ഞതോടെയാണ് വിദ്യാർഥി കുഴഞ്ഞ് വീണത്. ഇതോടെ പോലീസ് സംഘം പരിഭ്രാന്തരായി. തുടർന്ന് കുട്ടിയെ പരിസരത്തുള്ള യുവാവിനെ ഏൽപ്പിച്ച് പോലീസ് രക്ഷപ്പെടുകയായിരുന്നു. നാദാപുരം മേഖലയിൽ കുട്ടി ഡ്രൈവർമാരുടെ എണ്ണം വർദ്ധിച്ചു വരുന്നതായാണ് പോലീസ് പറയുന്നത്. മേഖലയിലെ ഹൈസ്കൂൾ, ഹയർ സെക്കൻഡറി വിദ്യാർഥികളാണ് പ്രധാനമായും ബൈക്കുകളിലെത്തുന്നത്
RECENT NEWS
![](https://malappuramlife.com/wp-content/uploads/2024/07/Manjalamkuzhi-Ali.jpg)
ഡിഗ്രി വിദ്യാഭ്യാസം പാതിവഴിയിൽ മുടങ്ങിയ സ്ത്രീകൾക്ക് തുടർ പഠനത്തിന് അവസരമൊരുക്കി മഞ്ഞളാംകുഴി അലി
മലപ്പുറം: ഡിഗ്രി വിദ്യാഭ്യാസം പാതിയിലുപേക്ഷിക്കേണ്ടി വന്ന മങ്കട മണ്ഡലത്തിലെ വനിതകള്ക്ക് അവരുടെ സ്വപ്നം സാക്ഷാല്ക്കരിക്കുന്നതിന് അവസരമൊരുങ്ങുന്നു. മഞ്ഞളാംകുഴി അലി എം.എല്.എയുടെ നേതൃത്വത്തില് രാമപുരത്തെ ജെംസ് ആര്ട്സ് ആന്റ് സയന്സ് കോളേജിന്റെ [...]