വഹാബിനെ തഴഞ്ഞ കോണ്ഗ്രസുകാര്ക്ക് യൂത്ത്ലീഗുകാരുടെ മധുരപ്രതികാരം
![വഹാബിനെ തഴഞ്ഞ കോണ്ഗ്രസുകാര്ക്ക് യൂത്ത്ലീഗുകാരുടെ മധുരപ്രതികാരം](https://cdn.statically.io/img/malappuramlife.com/wp-content/uploads/2018/11/3-27.jpg)
നിലമ്പൂര്: കെ.പി.സി.സി വര്ക്കിംഗ് പ്രസിഡന്റ് കെ.സുധാകരന് നയിച്ച വിശ്വാസ സംരക്ഷണയാത്രയ്ക്ക് നിലമ്പൂരില് നല്കിയ സ്വീകരണ യോഗത്തിലേക്ക് മുസ്ലിം ലീഗ് അഖിലേന്ത്യ ട്രഷററും എം.പി.യുമായ പി.വി.അബ്ദുല് വഹാബിനെ ക്ഷണിക്കാതെ തഴഞ്ഞ കോണ്ഗ്രസ് നേതൃത്വത്തിന് മധുരമായി പ്രതികാരം തീര്ത്ത് മുസ്ലിം യൂത്ത് ലീഗ്.
യൂത്ത് ലീഗിന്റെ പരിപാടിയില് ഡി.സി.സി പ്രസിഡന്റ് വി.വി പ്രകാശിന് പ്രസംഗിക്കാന് അവസരം നല്കിയതാണ് ശ്രദ്ധേയമായത്. കോണ്ഗ്രസ് ലീഗിനോട് കാണിച്ച അവഗണനക്ക് മധുരമായ പ്രതികാരമാണ് യൂത്ത് ലീഗ് ഇതിലൂടെ നല്കിയത്. കെ. സുധാകരന് നയിച്ച യാത്രയില് കൊണ്ടോട്ടിയില് കെ.എന് എ ഖാദറും, വണ്ടൂരില് മുസ്ലിം ലീഗ് അഖിലേന്ത്യ സെക്രട്ടറി പി.കെ.കുഞ്ഞാലിക്കുട്ടിയും പങ്കെടുത്തിരുന്നുവെങ്കിലും ലീഗ് ദേശീയ ട്രഷററും രാജ്യസഭ എം.പിയുമായ പി.വി അബ്ദുല് വഹാബ് സ്ഥലത്തുണ്ടായിരിക്കേ നിലമ്പൂരിലെ സ്വീകരണ സമ്മേളനത്തിലേക്ക് കോണ്ഗ്രസ് നേതൃത്വം ക്ഷണിച്ചിരുന്നില്ല. ഇത് പാര്ട്ടിക്കുള്ളില് തന്നെ ഏറെ ചര്ച്ചയാവുകയും ചെയ്തിരുന്നു. പാണക്കാട് സയ്യിദ് മുനവ്വറലി ശിഹാബ് തങ്ങള് നയിക്കുന്ന യുവജനയാത്രയുടെ പ്രചരണാര്ഥം കഴിഞ്ഞ ദിവസം യൂത്ത് ലീഗ് നിലമ്പൂര് നിയോജക മണ്ഡലം കമ്മറ്റി ചന്തക്കുന്നില് സംഘടിപ്പിച്ച യൂത്ത് അസംബ്ലിയില് ഉദ്ഘാടനകനായ പി.വി അബ്ദുല് വഹാബ് എം.പിക്കൊപ്പം ഡി.സി.സി പ്രസിഡന്റ് വി.വി പ്രകാശിന് മാന്യമായി ഇരിപ്പിടം യൂത്ത് ലീഗ് ഒരുക്കിയിരുന്നു. എം.പി പ്രസംഗിച്ചതിന് ശേഷം പ്രകാശിനെ പ്രസംഗിക്കാന് ക്ഷണിക്കുകയും ചെയ്തു.
മുസ്ലിംലിഗിനെ പരമാവധി പ്രശംസിച്ചാണ് ഡി.സി.സി പ്രസിഡന്റ് വേദി വിട്ടത്. അതേസമയം ലീഗ് കാണിച്ച മാന്യത കോണ്ഗ്രസ് നേതൃത്വത്തിന് തിരിച്ചടിയായി മാറി. കോണ്ഗ്രസിനകത്തെ ഭിന്നതയും കെ.സുധാകരന്റെ സ്വീകരണ വേദിയില് പ്രകടമായിരുന്നു.
RECENT NEWS
![](https://malappuramlife.com/wp-content/uploads/2024/07/Manjalamkuzhi-Ali.jpg)
ഡിഗ്രി വിദ്യാഭ്യാസം പാതിവഴിയിൽ മുടങ്ങിയ സ്ത്രീകൾക്ക് തുടർ പഠനത്തിന് അവസരമൊരുക്കി മഞ്ഞളാംകുഴി അലി
മലപ്പുറം: ഡിഗ്രി വിദ്യാഭ്യാസം പാതിയിലുപേക്ഷിക്കേണ്ടി വന്ന മങ്കട മണ്ഡലത്തിലെ വനിതകള്ക്ക് അവരുടെ സ്വപ്നം സാക്ഷാല്ക്കരിക്കുന്നതിന് അവസരമൊരുങ്ങുന്നു. മഞ്ഞളാംകുഴി അലി എം.എല്.എയുടെ നേതൃത്വത്തില് രാമപുരത്തെ ജെംസ് ആര്ട്സ് ആന്റ് സയന്സ് കോളേജിന്റെ [...]