മലപ്പുറത്ത് ഹർത്താൽ അനുകൂലികൾ ബസുകൾ തകർത്തു, ഗതാഗതം തടസപ്പെടുത്തി
മലപ്പുറം: ശബരിമല വിഷയത്തിൽ വിവിധ സംഘടനകൾ ആഹ്വാനം ചെയ്ത ഹർത്താലിൽ ചമ്രവട്ടത്ത് കെ എസ് ആർ ടി സി ബസിന് നേരെ അക്രമണം. ബാംഗ്ലൂർ-പൊന്നാനി അന്തർ സംസ്ഥാന സർവീസ് ബസിന്റെ ചില്ലുകൾ എറിഞ്ഞ് തകർത്തു. ജില്ലയിലെ വിവിധ ടൗണുകളിൽ ഹർത്താൽ അനുകൂലികൾ വാഹനഗതാഗതവും തടസപ്പെടുത്തി.
ശബരിമലയിൽ സ്ത്രീ പ്രവേശനം അനുവദിച്ചതിനെ തുടർന്ന് നടക്കുന്ന പ്രതിഷേധങ്ങളുടെ ഭാഗമായാണ് ഇന്ന് ഹർത്താൽ ആചരിക്കുന്നത്. എടപ്പാളിനടുത്ത് കാളച്ചാലിലും കെ എസ് ആർ ടി സി ബസ് അക്രമികൾ എറിഞ്ഞു തകർത്തു. സംഭവത്തിൽ ഡ്രൈവർക്ക് പരുക്കേറ്റു.
ഹർത്താലിന്റെ മറവിൽ മാറഞ്ചേരിയിൽ ബി.ജെ.പി. – ആർ.എസ്.എസ്. പ്രവർത്തകർ മാധ്യമ പ്രവർത്തകനെ കയ്യേറ്റം ചെയ്തു. ഹർത്താൽ അനുകൂലികൾ വാഹനം തടയുന്നത് ക്യാമറയിൽ പകർത്തുകയായിരുന്ന പ്രാദേശിക ചാനലായ ചിത്രാവിഷൻ റിപ്പോർട്ടർ സനൂപിന് നേരെയാണ് കൈയേറ്റമുണ്ടായത്. അക്രമത്തിൽ സനൂപിന് പരുക്കേറ്റിട്ടുണ്ട്.
ജില്ലയിൽ വാഹനഗതാഗതം വളരെ കുറവാണ്. കെ എസ് ആർ ടി സി ബസുകൾ സർവീസ് നടത്തുന്നില്ല. പലഭാഗത്തും ഹർത്താൽ അനുകൂലികൾ ഗതാഗതം തടസപ്പെടുത്തുന്നുണ്ട്.
RECENT NEWS
പൊന്നാനി മണ്ഡലത്തിൽ എൽ ഡി എ വികസന രേഖ പുറത്തിറക്കി
തിരൂർ : പൊന്നാനി മണ്ഡലത്തിന്റെ സമഗ്ര വികസനം മുന്നോട്ട് വെച്ച് എൻഡിഎ വികസന രേഖ പുറത്തിറക്കി. വിദ്യാഭ്യാസ മേഖലയ്ക്കും, കാർഷിക, തീരദേശ മേഖലകൾക്ക് വികസന രേഖ പ്രത്യേക പരിഗണന നൽകുന്നുണ്ട്. ഗുരുവായൂർ റെയിൽവെ പാത വികസനം, മഴവെള്ള സംഭരണ പദ്ധതികൾ, മാലിന്യ [...]